薄餅怪獸

尋晚同朋友二人嚟咗土瓜灣搵食，搵到間Pizza 店食個二人餐，先有二個蔬菜餐湯，熱騰騰上枱，味道不錯，再嚟個怪獸多寶心型Pizza，細細個啱晒二人食，可以留肚食其他野，再上個豬仔骨配洋蔥圈加埋沙律，豬仔骨好食夠晒味！豬肉唔會騷，正！仲有二件大大件炸雞，熱辣辣夠脆身仲好有肉汁，美味！之後仲有個甜品，係雪糕窩夫，個窩夫落咗蜜糖漿配一口雪糕，美味！雖然冇加配飲品，整體二人餐夠晒食，夠晒飽，又有甜品，環境又不錯，老闆又好好服務，下次一定再嚟幫襯!