Nonsense

約咗朋友喺土瓜灣 tea time , 大家都無意見去邊度食，我就建議去試吓呢間 cafe｡因為我聽人講話呢間 cafe嘅巴斯克蛋糕唔錯，我都好想試吓°Cafe 環境乾淨企理。 下午茶時間， 客人唔算多。 呢到嘅巴斯克蛋糕都算有唔少味道選擇， 我揀咗一件抹茶味嘅軟心巴斯克蛋糕配焦糖燉蛋。 件蛋糕雪凍咗，抹茶味道未算太濃， 質地非常順滑， 件蛋糕幾好食，幾有水準。 焦糖燉蛋味道偏甜， 啱我。不知不覺與朋友傾到7點， 離開前順便買咗個大蝦蟹肉，蝦頭油 日式煲仔飯外賣返家當晚餐 。 幾足料，米似用珍珠米，蟹肉蓋滿飯面，大蝦爽口， 米飯吸收咗蝦，蟹，高湯等， 味道唔錯。 但飯似未完全焗透，有些少生米，可能是日式煲仔飯特式掛！ Haha