The Place

最近又咳又喉嚨痛，病完都無咩胃口食嘢。朋友book左旺角康得思酒店既自助餐同我慶祝生日。早幾年，朋友結婚去過呢間酒店飲，而家連名都改埋。一去到未夠12點，已經好多人排緊隊，裝修十分新淨，而且場地寬敞，感覺不錯。今次自助餐主題係星馬主題。海鮮種類算多同新鮮，有生蠔、螺、蟹腳、蝦。生蠔算係肥美，食落好鮮好甜，海水味淡，食生蠔已經回曬本。刺身選擇普普通通，三文魚，希靈魚，馬刀貝，吞拿魚，鯛魚等。廚師分配一款有3件，件件厚切三文魚鮮甜，吞拿魚有筋，其他刺身我就無試。熟食都有好多款式：有印度煎餅、咖哩、炒飯、燒牛肉、炸豬扒等。不過我覺得煙三文魚芝士泡芙同海鮮釀蟹蓋最特別，味道不錯，而且平時好少見自助餐會有。甜品睇岩邊款就同廚師講，甜品就係一件件細細杯，可以試多幾款，個大福唔太甜，幾好食。而熱情果芒果好食，外面係脆脆的，入面充斥住熱情果味，其他款式也不錯。呢間酒店既甜品款式精美，重點唔太甜，感覺健康。仲有葡撻，麵包布甸，榴槤泡芙，台式仙草。沙律吧都好多配料選擇，岩曬d健康人士👍MOVENPICK雪糕有個椰子味真係大推，食落有粒粒椰子肉，真材實料👍呢間酒店既自助餐款式算多，而且味道不錯，大家想食自助