千両 (名店坊)

营业中

休息中

光顧千両都係鍾意佢嘅食材夠新鮮，午市套餐由$82至$138，大份又抵食。我呢個百両定食$82，有烏冬、沙律、天婦羅蝦、壽司及加$8有杯咖啡，可以食到各樣日式料理。五件壽司包括炙燒三文魚、吞拿魚、吞拿魚腩、辣味三文魚、加州卷，魚生鮮味香甜。壽司師傅嘅手握壽司果然不簡單，份量及力度都非常仔細精確。稻庭烏冬則幼滑細膩，輕輕一吸就從舌尖滑到喉嚨裡，爽口無比。天婦羅蝦🦐大隻又爽脆，絕不油膩，只可惜沒有附上天婦羅汁。沙律菜鮮甜爽脆配胡麻醬，酸甜有致，確實是開胃前菜。