How To Live Well (希慎廣場)

营业中

休息中

之前去過尖沙咀嗰間，今次嚟到銅鑼灣，幾鍾意呢間舖頭嘅裝修，疫情期間人流比較少都坐得幾舒服，有啲位仲有叉電位。全部Set lunch都係百幾蚊左右，加$15仲有餐湯或者沙律。叫咗慢煮豚肉同埋西冷牛扒。個湯係蟹肉忌廉湯，真係有蟹肉係入邊，唔錯。慢煮豚肉冇乜肉味，不過有個蘋果醬搭救返。反而幾欣賞個薯蓉，好香牛油同埋奶味，仲有一粒粒薯仔係入邊，幾有口感。西冷牛扒都有少少牛肉味，唔係雪到乜味都冇嗰啲。百幾蚊嘅價錢算係咁啦。行街行到攰，搵個地方食下野呢度都唔錯，唔算貴但有一定水準。