今日約咗朋友係K11等，時間未到就行陣先
見到呢間法式甜品店好吸睛！
行去望吓睇吓就忍唔住要買嚟試吓啦🙈🙈
包括有特色嘅慕絲撻，有6款口味，配上水果/堅果，仲整到好精美！
之後仲有大塊嘅美式曲奇好正有8種口味咁多！特厚特大仲要每款都幾種口感嘅餡料，睇到都知一定係好食呀😋😋
而最特別就係佢啲波波！一粒粒排係到好過癮
原來係法式可頌球，第一次見好得意呀😳
口味有甜亦有咸，玩味十足，岩晒鍾意試新嘢嘅人！😉
我就揀咗2個慕絲撻，一個法式反烤蘋果杏仁撻同經典香蕉太妃批
蘋果撻外型成朵花咁超靚，食個陣真係唔捨得破壞佢😩
味道就好似蘋果批一樣但無咁甜同唔會有酸味🥰杏仁味淡淡咁飄出同蘋果好夾！😝
香蕉太妃係不敗組合，慕絲打得好細滑，入口超舒服！香濃蕉味同拖肥嘅甜味交融，令人好滿足！☺️☺️
又靚又好食嘅甜品，係K11 Artmall就買到啦～🤩
