影片
更多
2023-04-10
2314 浏览
估唔到港島南都有咁chill嘅地方，我講緊係上年開業嘅《富麗敦海洋公園酒店》，無意中發現佢嘅中菜廳有個無敵大海景，非常吸引之餘仲要點心賣相靚，所以嚟同媽咪試試兼慶祝下生日，就當係半天南區遊啦。到咗海洋公園港鐵站，B出口公園旁有扶手電梯落去候車處，酒店穿梭大巴每30分鐘一班真係超方便，車程約10分鐘，由上大巴開始就變得好有旅遊feel，到咗酒店，除咗嘆美食之外，記住記住預留1-2個鐘響酒店chill下，雖然唔係嚟staycation，但由地下至3樓都有好多位值得行下坐下打下卡，仲有仲有酒店旁就係水上樂園，足夠消磨你一整日時間。《玉 JADE》有套餐亦可以散叫，我哋選擇散叫，三個人叫咗8款食物，坐咗兩個幾三個鐘，環境寛敝坐得舒服，服務好好我比5粒星，價錢、服務同質素成正比，CP值超高！🥢露酒涼拌鮑魚 $138/位⭐️⭐️⭐️⭐️⭐️估唔到size都幾大，有冰鎮住好夠凍，淡淡酒香下食得到鮑魚鮮味，唔駛蘸秘製醬汁都好好味。🥢紅菜頭帶子餃 $90⭐️⭐️⭐️⭐️無乜紅菜頭草青味，皮唔會太厚感覺似食蝦餃，只係餡料多咗帶子，味道同口感雙倍。🥢三文魚籽燒賣 $90⭐️⭐️⭐️燒賣相對平凡，但咬落爽口彈牙，無乜肥膏比較真材實料
到咗海洋公園港鐵站，B出口公園旁有扶手電梯落去候車處，酒店穿梭大巴每30分鐘一班真係超方便，車程約10分鐘，由上大巴開始就變得好有旅遊feel，到咗酒店，除咗嘆美食之外，記住記住預留1-2個鐘響酒店chill下，雖然唔係嚟staycation，但由地下至3樓都有好多位值得行下坐下打下卡，仲有仲有酒店旁就係水上樂園，足夠消磨你一整日時間。
《玉 JADE》有套餐亦可以散叫，我哋選擇散叫，三個人叫咗8款食物，坐咗兩個幾三個鐘，環境寛敝坐得舒服，服務好好我比5粒星，價錢、服務同質素成正比，CP值超高！
🥢露酒涼拌鮑魚 $138/位⭐️⭐️⭐️⭐️⭐️
估唔到size都幾大，有冰鎮住好夠凍，淡淡酒香下食得到鮑魚鮮味，唔駛蘸秘製醬汁都好好味。🥢紅菜頭帶子餃 $90⭐️⭐️⭐️⭐️
無乜紅菜頭草青味，皮唔會太厚感覺似食蝦餃，只係餡料多咗帶子，味道同口感雙倍。🥢三文魚籽燒賣 $90⭐️⭐️⭐️
燒賣相對平凡，但咬落爽口彈牙，無乜肥膏比較真材實料。🥢鮮蝦腸粉 $98⭐️⭐️⭐️⭐️
腸粉上枱已切開，好貼心，而每件腸粉都有一整隻爽口彈牙嘅新鮮蝦，估唔到佢啲蝦咁正，雖然無被推介但好味。🥢香芋天鵝酥 $88⭐️⭐️⭐️⭐️
個造型超靚超可愛，味道都好味，外層鬆化而芋頭夠香棉，天鵝頭頸比較硬，但味道似兒時甘大滋。🥢蜜汁餞叉燒 $238⭐️⭐️⭐️
最期待嘅叉燒新鮮熱辣上到枱，半肥瘦口感超正，不過我略嫌蜜味唔夠重同埋燒得唔夠燶，但我身旁兩位就覺得已經好好味。🥢燕窩酥皮蛋撻 $88⭐️⭐️⭐️⭐️
太耐無食過出爐蛋撻，仲要係工整嘅酥皮層，口感非常鬆化，而蛋漿又夠蛋味，而燕窩只係多重口感，不妨一試。🥢蛋黃蟠桃(改為3件) $66⭐️⭐️⭐️⭐️
迷你蟠桃雖然size比較細，但裡面嘅蓮蓉同蛋黃都幾多好豐富，作為飯後甜品我覺得呢個size剛好。三人共消費：$1311
张贴
