影片
更多
2025-07-15
0 浏览
J.moon．星空下歎Moctail＋邪惡牛脷刈包今次同閨蜜去咗旺角一間超有feel嘅酒吧餐廳——J.moon，閨蜜一入去就俾佢個「月球星空主題」震撼到！成間餐廳掛滿過160盞玻璃波波燈，天花仲有柔和嘅月光燈效，昏暗得嚟帶住點點星光，真係好似企咗喺戶外睇銀河咁🌌！環境浪漫得嚟又唔會太浮誇，啱晒同朋友傾偈飲嘢，仲要食物質素唔錯，價錢合理，絕對係旺角鬧市中嘅隱世Chill地！🌟 飲品：星空系Moctail 打卡必點我哋叫咗兩杯無酒精嘅Moctail，賣相勁靚，仲要好啱女仔飲！1️⃣ Andromeda：一上枱就聞到陣陣菊花清香，飲落好清爽，帶微微甜味，完全唔會假甜，啱晒怕膩嘅人。2️⃣ Sagitta：熱情果控必試！酸甜爆燈，仲有少少果肉，飲完成個人都醒神晒～（P.S. 佢哋仲有好多款Cocktail，下次一定要試埋！）🌙 小食：邪惡爆燈！牛脷x刈包驚喜1️⃣ Nyonya Curry Baked Beef Tongue平時食開嘅鹹牛脷多數配黑椒，但呢度竟然玩娘惹咖喱！牛脷本身夠淋身，加埋馬來西亞風味嘅微辣咖喱醬，仲有拉絲芝士同脆薯一齊焗，邪惡到極點😈 個咖喱香得嚟唔會搶咗牛脷味，真心推介！2️⃣ Spi
今次同閨蜜去咗旺角一間超有feel嘅酒吧餐廳——J.moon，
閨蜜一入去就俾佢個「月球星空主題」震撼到！
成間餐廳掛滿過160盞玻璃波波燈，
天花仲有柔和嘅月光燈效，昏暗得嚟帶住點點星光，
真係好似企咗喺戶外睇銀河咁🌌！
環境浪漫得嚟又唔會太浮誇，啱晒同朋友傾偈飲嘢，
仲要食物質素唔錯，價錢合理，絕對係旺角鬧市中嘅隱世Chill地！
🌟 飲品：星空系Moctail 打卡必點
我哋叫咗兩杯無酒精嘅Moctail，賣相勁靚，仲要好啱女仔飲！
1️⃣ Andromeda：一上枱就聞到陣陣菊花清香，飲落好清爽，帶微微甜味，完全唔會假甜，啱晒怕膩嘅人。
2️⃣ Sagitta：熱情果控必試！酸甜爆燈，仲有少少果肉，飲完成個人都醒神晒～
（P.S. 佢哋仲有好多款Cocktail，下次一定要試埋！）
🌙 小食：邪惡爆燈！牛脷x刈包驚喜
1️⃣ Nyonya Curry Baked Beef Tongue
平時食開嘅鹹牛脷多數配黑椒，但呢度竟然玩娘惹咖喱！
牛脷本身夠淋身，加埋馬來西亞風味嘅微辣咖喱醬，
仲有拉絲芝士同脆薯一齊焗，邪惡到極點😈
個咖喱香得嚟唔會搶咗牛脷味，真心推介！
2️⃣ Spicy Bean Curd Pork Belly GUA Bao
個刈包鬆軟到好似食緊棉花咁～
入面夾住肥瘦均勻嘅五花腩，腩肉燜到入味，
加埋酸菜同微辣豆腐醬，食落一啲都唔膩！
🍔 主食：大份夾抵食 手工Pizza有驚喜
1️⃣ Angus Beef Burger with French Fries and Salad
個漢堡大過我隻手！
塊安格斯牛肉煎到外脆內嫩，咬落超Juicy，
仲有溶咗嘅芝士同新鮮蔬菜，
個包仲要烘到微脆，正！
加埋新鮮既沙律菜，also 跟餐嘅薯條灑咗少少辣粉，食到停唔到口～
2️⃣ Miso Cream Seafood Handmade Pizza
厚底Pizza控注意！呢個味噌奶油海鮮Pizza超香濃，
餅底手工製，外脆內軟，面頭鋪滿蝦、蜆、魷魚，
加埋味噌醬嘅鹹香，海鮮粉絲必點！
J.moon係旺角少有嘅高質打卡酒吧，
食物有心思之餘，價錢仲好合理
同閨蜜傾足成晚都唔捨得走～
食左乜：
飲品：2杯Moctail
1.Andromeda
2.Sagitta
小食：
1.Nyonya Curry Baked Beef Tongue
2.Spicy Bean Curd Pork Belly GUA Bao
主食：
1.Angus Beef Burger with French Fries and Salad
2.Miso Cream Seafood Handmade Pizza
餐廳：J.moon
地址：旺角西洋菜南街1A-1K號百寶利商業中心4樓10-11號舖
张贴
