🎉 生日必殺技：播歌+即影即有
佢哋個生日配套唔係得個講字，係真係有嘢㗎！食到差唔多，店員會拎住個甜品出嚟，而且我book位時仲要求要畫上sailor moon同Marie 貓，最正係會幫你哋用新款即影即有影相，即刻有得拎返張相留念！
1
泰式柚子蟹肉沙律 $108
個酸酸地嘅泰式醬汁好開胃，係一個非常好嘅開始！
香濃芝士焗西蘭花 $78
西蘭花又唔會焗到淋哂，仲係翠綠爽口，夾埋啲芝士食，邪惡但係好滿足！
韓式玫瑰醬龍蝦QQ捲捲意粉 $228
啲龍蝦肉真係唔吝嗇，夠彈牙。個意粉個樣好得意，一圈圈咁，好掛汁。個韓式玫瑰醬（即係番茄奶油醬）奶香得嚟又有少少酸味，食完成個都唔會覺得膩，好正！
金沙蟹黃蟹肉QQ捲捲意粉 $178
「金沙」即係鹹蛋黃，個醬汁香濃到不得了，每一條意粉都沾滿咗蟹黃同鹹蛋黃嘅精華，仲有啖啖蟹肉，食落去個種鹹香鮮味。
·Tiramisu千層蛋糕 $98
生日點可以冇蛋糕？佢哋個Tiramisu係千層蛋糕咁嘅款，咖啡同酒味都夠，口感好滑，甜度剛剛好，為成餐飯作結就最完美，仲有埋畫珠服務！
飲品：凍焦糖朱古力 $48 / 蘋果汁 $22
凍焦糖朱古力好香濃，係幸福嘅味道。如果想清啲，蘋果汁就唔會錯。
💰 溫馨提示：慳錢小貼士
記住！如果你哋可以平日中午出動，有個優惠真係好抵：
🌞 午市四人同行一人免費
星期一至五嚟食午餐，四個人的話，最平嗰個餐免費，而且成張單唔使加一！計落真係平好多㗎！
1
