COZi Lounge

营业中

休息中

今日來到葵興試新嘢，位於葵涌新開的悅品酒店《Cozi Liunge》有供應high tea下午茶。地方闊落好多梳化位，坐得舒適，好啱大家傾偈暢聚。二人一Set high tea，酒店送一張即影即有相片，由經理親自拍攝，嘆雀籠 high tea就梗係要打卡喇，好貼心啊！High Tea 包括五款鹹點及五款甜點，鹹點包括：三文魚玫瑰卷~採用煙三文魚卷成玫瑰花；鴨肝多士~入口味道香濃；忌廉芝士蘑菇釀雞翼~新鮮炸起唧叫唧做，十分香口；雞尾酒蝦~新鮮大蝦沾上雞尾酒醬汁；鮑魚酥皮盒~酥皮盒係即叫即焗，香脆可口。甜點有：燕窩奶凍~奶凍又香又滑；脆松露朱古力~朱古力味道香濃；雜錦紅莓芝士餅~紅莓撻~紅莓味道好清新；法式士多啤梨歌劇院蛋糕~食埋呢件就真係好滿足啦！加$33可以upgrade smoothies ，Choffer~Wonderland~值得一提，餐廳設有戶外座位，也有些草地供寵物奔跑開心一番，餐牌上有少量寵物食品，同朋友一齊開心一個下午好寫意。