花漾 (已結業)

銅鑼灣時代廣場一直都係美食同埋購物集中地，發現呢度開咗間新加坡菜，就過嚟食小朋友最愛嘅海南雞飯😆兩個開心到暈！✨新加坡大蝦喇沙米線～材料有魚片條、炸魚蛋、海蝦和豆卜，湯汁香濃，有微微辣味帶椰子香，麵條爽滑，而且勁大碗🥰感覺滿足！✨海南雞飯拼喇沙米線～Toby姐姐見到我食喇沙，佢又想食，原來呢度有雙拼，滿足晒兩個願望，呢度每個餐嘅份量都真係幾多，兩姊妹一個set都夠食，雞件滑溜，雞皮有上湯香而無雪味，淡黃色嘅油飯充滿雞油香，上品👍🏻兩姊妹都食得好滿足。✨甜品:～馬來街頭椰子雪糕一份有兩球椰子雪糕，有個細椰殼裝住，賣相已經好吸引，雪糕質感軟滑，同出面超市買嘅雪糕好唔同，椰子味超濃，同奶味平衡得好好。