影片
更多
2020-12-10
49 浏览
Go dutch 姐係AA制嘅意思。同朋友食飯想AA制帶佢黎Go Dutch Cafe就啱晒啦🤣我同朋友兩個人就嗌個二人晚餐。包一款小食、兩款主食、兩款甜品同埋兩杯$40熱飲。日式咖喱吉列豬扒飯日式咖喱唔辣，甜甜地，好香咖喱味。咖喱份量夠多，撈飯食一流！咖喱份面重有薯仔，薯仔夠腍夠粉。炸豬扒外炸成金黃色，脆卜卜，味道有d似粟米薯片。特濃龍蝦汁帶子蟹肉意粉帶子同蟹肉份量好多啊！預先拆左殼嘅蟹肉啖啖肉，帶子口感彈牙。龍蝦汁真係好濃郁，意粉軟硬適中，入口好香龍蝦味。蜜糖雞翼蜜糖係清甜果種甜，蜜糖份量多，食到最低見到隻碟有d汁，以為係油，原來係蜜糖！可見蜜糖份量有幾多啦！雞翼皮脆肉嫩juicy。士多啤梨比利時窩夫🧇即叫即製，上枱重熱，又香又脆～🥰加埋啲士多啤梨醬好sweet呀鍾意芝士嘅朋友就要試下藍莓芝士餅啦。芝士香，藍莓醬酸酸甜甜，食完唔會覺得膩。金桔檸檬乳酸沙冰一上枱不禁嘩左聲！因為d沙冰勁多！！！堆到高過隻杯好多！打卡呃like一流！要快d食左d沙冰先，如果唔係就溶到成張枱都係架啦！我鍾意食酸野。檸檬加上乳酸，酸上加酸，啱晒我！最後我最想推介呢度嘅花茶。我好鍾意飲花茶，估唔到呢間樓上ca
我同朋友兩個人就嗌個二人晚餐。包一款小食、兩款主食、兩款甜品同埋兩杯$40熱飲。
日式咖喱吉列豬扒飯
日式咖喱唔辣，甜甜地，好香咖喱味。咖喱份量夠多，撈飯食一流！咖喱份面重有薯仔，薯仔夠腍夠粉。炸豬扒外炸成金黃色，脆卜卜，味道有d似粟米薯片。
特濃龍蝦汁帶子蟹肉意粉
帶子同蟹肉份量好多啊！預先拆左殼嘅蟹肉啖啖肉，帶子口感彈牙。龍蝦汁真係好濃郁，意粉軟硬適中，入口好香龍蝦味。
蜜糖雞翼
蜜糖係清甜果種甜，蜜糖份量多，食到最低見到隻碟有d汁，以為係油，原來係蜜糖！可見蜜糖份量有幾多啦！雞翼皮脆肉嫩juicy。
士多啤梨比利時窩夫🧇即叫即製，上枱重熱，又香又脆～🥰加埋啲士多啤梨醬好sweet呀
鍾意芝士嘅朋友就要試下藍莓芝士餅啦。芝士香，藍莓醬酸酸甜甜，食完唔會覺得膩。
金桔檸檬乳酸沙冰一上枱不禁嘩左聲！因為d沙冰勁多！！！堆到高過隻杯好多！打卡呃like一流！要快d食左d沙冰先，如果唔係就溶到成張枱都係架啦！我鍾意食酸野。檸檬加上乳酸，酸上加酸，啱晒我！
最後我最想推介呢度嘅花茶。
我好鍾意飲花茶，估唔到呢間樓上cafe有得飲，即刻嗌左「水仙玫瑰花茶」。花茶一上枱我又忍唔住嘩左一聲。因為超大壺！用木盤盛載，入面放左一隻杯、一隻匙羹同一樽蜜糖，好似茶道🍵，整體感覺優閒～茶有好香玫瑰花味，加埋蜜糖，微甜潤喉。🥰我飲完成壺，店員重主動埋黎問我使唔使加茶。估唔到重可以refill，因為其他餐廳refill要另外加錢，呢度竟然唔使！真係要讚呀！👍🏻我一定會再黎嘆花茶！
张贴
