臺北棧 (港威商場)

营业中

休息中

一直都想試臺北棧，但次次都好多人排隊，今次都唔例外， 排到我地時安排左個卡位，坐得鬆動，叫左一個魯肉飯，海鮮煎餅，香芋球，同埋鳳梨蛋撻。飲品都多選擇，叫左蜂蜜苦瓜汁，佢唔甜，有啲甘味。魯肉飯唔油唔太肥，份量唔算細，都幾好食，唔會好滯。另外海鮮煎餅都唔錯，佢係蛋餅底都有好多海鮮，餅底薄，海鮮有魷魚又有蛋，有啲似大阪燒餅，味道不錯。香芋球就比較滯，有6個，入面係滿滿既香芋蓉，食1-2個都好夠，太多就會有啲滯。最後既甜品食左鳳梨蛋撻，入面有麻薯，同埋蛋撻個皮好食，佢比一般蛋撻實少少，幾鐘意個口感，建議可以share食，因為都大個同埋有麻薯喺入面。整體野食不錯，下次想試埋佢個刨冰。