影片
更多
2023-12-29
61 浏览
CP值極高嘅黃埔地中海餐廳The bayside系我在近期食到最好味嘅餐廳之一，餐廳位於黄埔海濱長廊附近，分室內和室外露天區域，可以望住維港海景，約朋友傾計食飯或者慶祝都係絕佳選擇！佢哋主打地中海菜，選擇非常多，每道菜式都有驚喜！主食甜品都不能放過！Virgin Sangria最愛sangria，揀咗無酒精類，口感清新仲充滿果香，最鐘意佢配搭多款新鮮高質生果，飲落有豐富嘅層次，舉杯暢飲，非常適合今晚嘅氣氛。蘑菇湯散發出濃郁嘅香氣，食到蘑菇蓉，湯底柔滑，富有層次感。脆皮乳豬配馬鈴薯Suckling PigThe bayside嘅烤乳豬都係招牌菜式，外皮香脆，肉質非常冧身而且入味。搭配芥末醬同燒汁更惹味，配菜系青辣椒同薯仔，完美平衡咗整道菜嘅口感，視覺上都非常靚！香脆魚柳墨西哥夾餅估唔到夾餅內既魚柳依然香脆，而且魚肉質素好高，肉質扎實且保持鮮味。配搭鮮豔繽紛嘅椰菜絲同番茄絲賣相出眾，再加上千島醬令美味提升。龍蝦堡 極鬆軟嘅餐包夾著豐富嘅龍蝦肉，並混合咗香草蛋黃醬同粒粒蟹子，誇張嘅系切開見到全部都係龍蝦肉，實在太幸福啦！西班牙紅蝦蒜香墨汁意粉 手工墨汁意粉口感零舍不同，意粉彈牙掛汁，巨大si
CP值極高嘅黃埔地中海餐廳The bayside系我在近期食到最好味嘅餐廳之一，餐廳位於黄埔海濱長廊附近，分室內和室外露天區域，可以望住維港海景，約朋友傾計食飯或者慶祝都係絕佳選擇！
佢哋主打地中海菜，選擇非常多，每道菜式都有驚喜！主食甜品都不能放過！
Virgin Sangria
最愛sangria，揀咗無酒精類，口感清新仲充滿果香，最鐘意佢配搭多款新鮮高質生果，飲落有豐富嘅層次，舉杯暢飲，非常適合今晚嘅氣氛。
蘑菇湯散發出濃郁嘅香氣，食到蘑菇蓉，湯底柔滑，富有層次感。
脆皮乳豬配馬鈴薯Suckling PigThe bayside嘅烤乳豬都係招牌菜式，外皮香脆，肉質非常冧身而且入味。搭配芥末醬同燒汁更惹味，配菜系青辣椒同薯仔，完美平衡咗整道菜嘅口感，視覺上都非常靚！
香脆魚柳墨西哥夾餅
估唔到夾餅內既魚柳依然香脆，而且魚肉質素好高，肉質扎實且保持鮮味。配搭鮮豔繽紛嘅椰菜絲同番茄絲賣相出眾，再加上千島醬令美味提升。
龍蝦堡 極鬆軟嘅餐包夾著豐富嘅龍蝦肉，並混合咗香草蛋黃醬同粒粒蟹子，誇張嘅系切開見到全部都係龍蝦肉，實在太幸福啦！
西班牙紅蝦蒜香墨汁意粉
手工墨汁意粉口感零舍不同，意粉彈牙掛汁，巨大size西班牙紅蝦鮮味十足，雖然湯汁不多，但湯汁嘅鮮甜味非常突出，竟然仲食到紅蝦蝦膏！配上炸蒜片，味道香濃，非常好食。
無蛋開心果忌廉蛋糕
不得了！…我生日都想用呢個做生日蛋糕！
佢獨特嘅開心果香氣好成功俘虜咗我！
最鐘意佢中間夾層系用開心果碎壓成嘅餅，再加上面層嘅開心果仁加上煉奶甜而不膩！
📍 The Bayside
紅磡德豐街18號黃埔花園地下G1號舖
（港鐵黃埔站 D1 出口, 步行約4分鐘）
张贴
