The Place

好耐無食buffet，一家大細黎食dinner buffet～上網search完，最抵食係用某信用卡，有72折，折實$573。冷盤有啲失望，竟然無蟹腳。啲生蠔細隻咗啲，不過都新鮮嘅，質素ok。熱食黎講，其實款式唔太多。芝士焗龍蝦質素ok。 熱食仲有片皮鴨，但個包超厚，個鴨勁薄，唔太好食⋯⋯ 蟲草花燉湯足料，夠火喉～ 海南雞飯細細碗，岩岩好，個油飯出乎意料地好食，啲雞都滑，推介！水蟹粥幾好食～食完可解膩甜品今期甜品主要用抹茶為主題，幾好食。同埋有個韓國麻糬曲奇，勁香，推介！ 台式芋圓仙草正常水準，不過不失～ Movenpick雪糕總共有8隻口味，除咗用cone仲可以用泡芙夾黎食～正！ 整體黎講，食物質素ok，但係款式比較少，同埋刺身壽司類quality較麻麻。冷盤如果有蟹腳就會再抵食啲。