燒肉屋 (清風街)

最近我去咗一間天后清風街嘅燒肉店，服務員好親切，上菜速度快到驚人，根本唔使等，效率真係高！不過，位置唔多，建議一定要提前訂位，免得撲空。衝住馬來西亞D24榴槤同燒肉combo放題而嚟，最後盡慶而歸。先食榴槤開開胃，香甜軟糯，雖然核有啲大，但肉多，而且長叫長有，唔會簡單或漏單，真係抵讚。必點嘅貓山王榴槤醬燒薄餅，薄餅烤到金黃酥脆，再加上濃濃嘅貓山王醬，口感同味道真係一流。澳洲和牛M7牛板鍵切得大大塊，鮮嫩多汁，夠薄，每邊燒十秒就啱啱好。厚切果汁黑豚帶有甜甜嘅果汁味，同肉味真係好搭。蒜蓉牛油烤帆立貝絕對值得encore，大件厚肉，蒜香同牛油搭埋簡直完美，質素超高。荔枝牛肩胛串串每串都夾有荔枝肉，牛肉仲帶有荔枝汁味，超好味。飲品方面有自取區，啤酒都可以隨便飲。至於甜品，Häagen-Dazs嘅雪糕簡直係完美結尾。可以一邊食燒肉，一邊放任享受馬來西亞D24榴槤，呢餐飯夠晒豐富，大滿足！