二鍋頭 (福苑)

营业中

休息中

今日出左旺角中心附近，行到攰，去附近搵食先。見到對面有得間叫二鍋頭嘅又有得食雞煲同打邊爐，就咁決定食呢間啦。上到去先探熱同用搓手液清潔雙手，食得安心又放心。呢到最吸引既係可以先食雞或鴨煲，之後會轉邊爐湯底打邊爐！我地先食個雞煲， 雞煲一上枱，店員會炒一陣，一炒啲香味即時出哂嚟，雞件好入味，辣度適中。湯底都有咁多款選擇，而我哋岩岩食完重口味嘅雞煲，就揀番清啲嘅芫茜皮蛋湯底。配料纸備有多款肉類同海鮮選擇，另外亦有自助區可以拎疏菜，丸類等等食物。所有配料都好新鮮，門口入口位更有飲品同雪糕區，估唔到佢有齊鴻福堂多款飲品，终於可以俾我試哂，今餐飯好滿足。