影片
更多
2022-12-06
2386 浏览
久違咁去食自助餐，睇openrice食評好似性價比都幾高，所以揀咗呢間旺角嘅酒店自助餐，由630食到930pm﹐ 加埋一成人大約$400位。先講講食自助餐嘅回本位凍海鮮，佢有青口、長腳蟹同埋蝦。我只係食咗長腳蟹，唔算特別大隻，但品質ok嘅，海水味濃。而且每個人會送四隻生蠔，唔使自己攞，係佢會送上嚟，嗰個生蠔係超大隻！ 另一個我主攻嘅部分係刺身，佢有4款，我主要食三文魚，係厚切嘅，大讚！熱食buffet大家最在乎嘅燒牛肉佢都有，係肉眼嚟嘅，但我反而大推放佢旁邊嘅蟹子帆立貝，非常好食！以為係醬汁但好似其實係d 蛋液焗熟，加埋好好食。甜品亦係我嘅重點部分，好開心佢有朱古力噴泉！好耐冇食過，真係食自助餐先會食呢樣嘢嘅。佢仲有即焗嘅梳乎厘，細細個我覺得自助餐呢個size非常適合，但我更recommend佢即席整嚟嘅crepe﹐味道幾唔錯，我encore 食咗兩個！蛋糕嗰啲款式唔算好多，但原來係食完佢會攞另一啲款出嚟嘅。 雪糕佢係有movenpick嘅，仲有3隻味，very nice. 同埋佢甜品係中西式都有d, 居然有芝麻糊同紅豆芝麻球。Overall佢場地唔算大，食物都集中放咗喺一張長枱，睇落
先講講食自助餐嘅回本位凍海鮮，佢有青口、長腳蟹同埋蝦。我只係食咗長腳蟹，唔算特別大隻，但品質ok嘅，海水味濃。而且每個人會送四隻生蠔，唔使自己攞，係佢會送上嚟，嗰個生蠔係超大隻！
另一個我主攻嘅部分係刺身，佢有4款，我主要食三文魚，係厚切嘅，大讚！熱食buffet大家最在乎嘅燒牛肉佢都有，係肉眼嚟嘅，但我反而大推放佢旁邊嘅蟹子帆立貝，非常好食！以為係醬汁但好似其實係d 蛋液焗熟，加埋好好食。
甜品亦係我嘅重點部分，好開心佢有朱古力噴泉！好耐冇食過，真係食自助餐先會食呢樣嘢嘅。佢仲有即焗嘅梳乎厘，細細個我覺得自助餐呢個size非常適合，但我更recommend佢即席整嚟嘅crepe﹐味道幾唔錯，我encore 食咗兩個！蛋糕嗰啲款式唔算好多，但原來係食完佢會攞另一啲款出嚟嘅。 雪糕佢係有movenpick嘅，仲有3隻味，very nice. 同埋佢甜品係中西式都有d, 居然有芝麻糊同紅豆芝麻球。
Overall佢場地唔算大，食物都集中放咗喺一張長枱，睇落去擺食物嘅位置唔多，但食落發現佢其實每樣嘢都有做足嘅，例如海南雞前面真係有放哂三種醬，辣酒煮花螺嘅前面放咗長竹籤，日式蕎麥冷面旁係有啲紫菜絲同蛋絲係旁邊比你加落去，壽司嘅旁邊係有醃蘿蔔個d 比你拎，而且每碟食物前都真係有擺咗對應名牌，等你知道自己食緊乜。食物款式唔多但種類齊全，除咗上面講嗰啲，佢有中湯西湯，冷盤前菜佢有沙律吧、各種cold cut火腿、parma ham包哈密瓜、泡菜、味付螺肉、中華沙律etc. 熱食亦都係中西款都有，中式嘅有蒸魚、鮑汁冬菇鴨掌鮑片、蟲草花蒸雞、上湯娃娃菜等。西式有炸物(吉烈帶子、炸蠔等等)、意式肉丸、香橙燒鴨胸etc. 麻雀雖小，五臟俱全，係幾滿足嘅一餐，覺得佢都好對得住佢價錢，可以encore!
张贴
