香辣鮮

营业中

休息中

最近發現依間抵食小舖.經典乾鍋 $128無諗到百幾蚊份量都幾大份.超級抵食配料：蝦、午餐肉、五花腩、魷魚、椰菜花、四季豆、薯仔片、蓮藕蝦有7-8隻，午餐肉有10幾件.五花腩一啲都唔油膩，炸到啲肥膏位脆卜卜，好好味.魷魚口感有啲似土魷，但又唔會似土魷咁硬身.薯仔片好夠味，平時唔太好食薯仔嘅我都食左好多.黃金皮蛋 $25好好味，但叫小辣都有啲偏辣.但超級流心，值得一試.麻辣肚絲 $32食唔到辣嘅朋友都食到，唔會太辣.下次可以約一大班朋友再試多啲唔同菜式.