影片
更多
2015-01-20
12168 浏览
記得之前食過Conrad 的Lobby Lounge Buffet, 食物麻麻，所以一直再沒有光顧。今次適逢k 先生有張Conrad garden cafe 的voucher，而呢間我冇食過，唔知會唔會好食d 呢？！張voucher可以選擇食lunch buffet 或者dinner buffet 的。星期四打去book 星期六的dinner buffet,個staff話已經差不多full booking,只餘下少量outdoor 位置，雖然天氣好凍，但因為想食，所以就照去啦。去到的時候6pm，起初都好擔心甘凍會唔會食得唔舒服或者d 食物會好快吹凍,但原來我的擔心是多餘的，因為雖然是outdoor, 但其實每張枱的頭頂都會有把大傘同heater 的，就仿如置身於外國一樣。而且仲要係超級暖，除左件褸亦唔會覺得凍，外面環境較為暗，氣氛好，每枱亦會有爉燭在枱前，比起室內環景還要舒適。先行一圈睇下有咩食，但就唔見有我最鐘意的生蠔，有d 失望。海鮮冷盤是最受歡迎的，一共有兩款龍蝦，另外仲有琵琶蝦, 凍蝦同青口等。龍蝦有鮮味，一款有膏，一款沒有膏，膏味香濃，而琵琶蝦肉質就比較實，青口煮到啱啱熟，好
先行一圈睇下有咩食，但就唔見有我最鐘意的生蠔，有d 失望。海鮮冷盤是最受歡迎的，一共有兩款龍蝦，另外仲有琵琶蝦, 凍蝦同青口等。龍蝦有鮮味，一款有膏，一款沒有膏，膏味香濃，而琵琶蝦肉質就比較實，青口煮到啱啱熟，好滑
魚生選擇有3-4款，我食左三文魚同吞拿魚，味道一般，肉質唔夠實淨，三文魚亦唔夠肥美，所以冇再encore而其他食物亦夾左少少食，味道一般
除左凍海鮮是必食之外，另外還有澳洲肉眼扒，呈半生熟，好滑好juicy ，配上gravy同吃更能帶出肉的味道。燴牛尾味道一般，而且唔知點解會甘黑，賣相唔討好
食左甘多肉，食返d淸d 菜同魚。d 菜冇乜味，其中豬頸肉芥蘭個碟ok。清蒸石斑有d鯹，平時酒樓會仲好食
麵包上的芝士係另一推介，其實本身係一舊超大舊的芝士，即席有staff 整溶舊芝士切落黎，有好多人排隊,記得排之前自己預先攞定塊麵包先
呢到的甜品款式唔算多，所以差不多每件都攞黎試下，其中最好味的是拿破侖，d 酥皮好脆好香牛油味，其他就一般啦
重有即焗的soufflé, 焗得好香，但有d 過甜。焗soufflé 個廚師好似好燥底甘，見到d人問佢幾時焗好，佢好似嫌煩甘，感覺上他的態度唔太nice
食到尾聲，竟然有staff 送上鮑魚，每位客人都有
好遲先發現原來外面仲有個bbq section,可謂麻雀雖少，五臟俱全，有燒牛扒，羊扒，雞冀，蝦等等，點左蝦同雞冀食，有炭火燒的香味，蝦亦好新鮮，唔似係雪蝦
食到呢到已經好飽，但仲要試埋個豆花，呢個做得唔算滑，如果好飽冇quota 可以skip
炒雪糕，只係得朱古力碎，杏仁碎，同堤子乾揀，建議食青檸sorbet 會更好味。
總括黎講，食物質素一般，選擇唔算多，覺得咖哩section 可以少番d,增加多d 其他的選擇，以buffet 黎計，有好多其他酒店比它更出色。张贴
