京都宇治抹茶軟雪糕 $20
京都宇治抹茶軟雪糕包裝紙好方便折開。雪糕既抹茶味係濃，可惜完全唔滑，食唔出係軟雪糕。個窩夫餅係稔左，得下底係少少脆。咁樣都攞出黎賣俾人食嘅？窩夫餅嘅竹炭味就唔錯，平時好少食到竹炭味。
1
北海道牛油冷凍甜點 $20
雪糕嘅牛油味唔夠。窩夫餅又係唔脆，失敗。
八岳山牧場產鮮牛奶雪糕夾餅 $17
八岳山牧場產鮮牛奶雪糕夾餅話係有牛奶精華既煉奶，果然入面嘅雪糕牛奶味就香濃啲。不過可惜夾餅塊皮唔脆，失敗。
1
千層蛋糕 $35
千層蛋糕有大約20塊千層皮，好容易就用到隻小匙羹切到一啖食。不過入面既鮮忌廉就唔多夠。下底唔明點解要用雲呢拿海綿蛋糕，簡直係大煞風景。千層蛋糕都係要食返Lady M先得，當然價錢貴一倍，但係分量多d，質素好好多。
特式士多啤梨撻 $47
特式士多啤梨撻比千層蛋糕遮住左。係用酥皮撻底，點知個酥皮係完全唔脆，失望！酥皮上面有Rare芝士忌廉，雲呢拿海綿蛋糕，吉士鮮忌廉。我想講個撻好似放得太耐同埋賣剩最後一件，個餡都已經唔係好新鮮，食唔出Rare 芝士忌廉同吉士鮮忌廉，而雲呢拿海綿蛋糕非常麻麻。上面有幾粒士多啤梨同一粒藍莓。
總括而言，極度失望。下次夜晚唔可以再黎買蛋糕，同埋雪糕完全唔洗試。
