How To Live Well (荃灣廣場)

营业中

休息中

📍how to live well（荃灣） 呢間café喺荃灣一間mall入面，主打甜品同brunch，環境好開揚，有大片落地玻璃坐位，坐低即刻放鬆晒。今次叫咗兩款甜品＋一杯熱飲，完全滿足甜品控嘅心：🍰 自家製焦糖芝士蛋糕面層焦糖有少少脆面效果，輕微焦香，芝士蛋糕本身軟滑濃郁但唔會膩，入口微鹹帶甜，好balanced，唔係heavy果種芝士蛋糕。🧇 榛子醬窩夫配士多啤梨乳酪、朱古力脆脆、雪糕造型已經好吸睛，窩夫外脆內煙韌，配上香滑榛子醬＋酸甜乳酪、微苦朱古力同雪糕，幾層味道互相平衡，好有驚喜！☕️ 熱焦糖鮮奶咖啡香味足，唔會太甜，奶泡拉花靚，入口順滑，焦糖香甜味輕輕留喺舌頭尾段，適合想休息一下嗰陣飲。整體空間唔嘈，唔趕客，服務唔多話但都夠禮貌，適合慢活一下，或者搵個位影靚相／寫下嘢。