影片
更多
2019-02-27
119 浏览
越來越多過江龍既漢堡店，或者香港人俾某連鎖快餐店hea得太耐，所以一有呢啲新歡都會出現人潮。今次介紹呢間位於中環，作為一間好多人都話唔可以錯過既美式漢堡店，當然都有咁上下期待，其實幫襯過兩次，兩次都需要排左一陣隊，當然因爲快餐店既關係，其實個流動性都好快，其實由排隊到拎餐都係二十至三十分鐘內既事。最近食個次，叫左Chick’n Shack，Shack Burger，朋友叫左Shack Stack加埋每次必叫既Cheese Fries，加多杯大既Lemonade，雖然份量好似好多，其實價錢偏貴之外，到最後都唔會覺得好飽，甚至可以再食野😂講下啲漢堡包先，Chick’n Shack係一個炸雞胸肉既漢堡，配埋酪奶田園醬、生菜同醃黃瓜，個配搭都幾新鮮又好食；而Shack Burger就係一個最大路既牛肉漢堡，加埋新鮮既蕃茄、生菜再配埋一個獨有既Shack Sauce，令我地諗番起消失左既「至尊漢堡」；同行既朋友仔就叫左Shack Stack，有兩塊大啡菇夾住芝士拎去炸，炸得好脆口加埋塊漢堡肉，配合埋蕃茄、生菜加埋個個醬，一次過滿足曬兩個願望，朋友就話好juicy好豐富。而大大杯既Lemonade
今次介紹呢間位於中環，作為一間好多人都話唔可以錯過既美式漢堡店，當然都有咁上下期待，其實幫襯過兩次，兩次都需要排左一陣隊，當然因爲快餐店既關係，其實個流動性都好快，其實由排隊到拎餐都係二十至三十分鐘內既事。
最近食個次，叫左Chick’n Shack，Shack Burger，朋友叫左Shack Stack加埋每次必叫既Cheese Fries，加多杯大既Lemonade，雖然份量好似好多，其實價錢偏貴之外，到最後都唔會覺得好飽，甚至可以再食野😂
講下啲漢堡包先，Chick’n Shack係一個炸雞胸肉既漢堡，配埋酪奶田園醬、生菜同醃黃瓜，個配搭都幾新鮮又好食；而Shack Burger就係一個最大路既牛肉漢堡，加埋新鮮既蕃茄、生菜再配埋一個獨有既Shack Sauce，令我地諗番起消失左既「至尊漢堡」；同行既朋友仔就叫左Shack Stack，有兩塊大啡菇夾住芝士拎去炸，炸得好脆口加埋塊漢堡肉，配合埋蕃茄、生菜加埋個個醬，一次過滿足曬兩個願望，朋友就話好juicy好豐富。
而大大杯既Lemonade解渴得黎，甜酸度配合得宜，覺得好過飲汽水，好似無咁肥😂
最後必叫既芝士薯條，炸得好脆身既波浪粗薯條配埋車打芝士、美式芝士混合而成既芝士醬，簡直係邪惡既化身，唔食唔得呀
每次都會透過以下6大方面評分(滿分:30分)
味道 : 3.75 / 5
環境 : 3.75 / 5
外觀 : 3.75 / 5
價錢 : 2.5 / 5
服務 : 3.25 / 5
回頭率 : 3 / 5
總分 : 20 / 30
性價比 :
俾老麥養大既我地就覺得味道上當然比較高分，但係價錢上都真心有啲高，所以未必會成日幫襯啦，夜晚去既其實幾浪漫，望住維港食，大年初二咪有機會睇到煙花😂不過食過佢既漢堡包就會覺得番唔到轉頭，為左Cheese Fries同Lemonade相信我地會再去既😏
张贴