差唔多個幾多前..已經book左呢間..今日就當出黎透下氣
入到店..店員會幫我地量體溫
check過無fever就可以洗手消毒坐定定等食lar~呢個動作絕對加左分！食得安心！
menu有幾個set..我地揀左最平個個
大家記得食野前要消毒下雙手呀..為人為己
師傅一埋位就自我介紹..佢叫Micheal..然後又會問我地名...好warm
前菜 合桃小女子
nuts同魚都係我好鐘意ge食物..本人好鐘意..好過求其比d沙律我
開胃菜都有幾款呀..我個人最like係個柚子酸羅白..師傅話係自家yip製架
睇師傅製作都係一種享受~
甜蝦
有份量！厚肉！鮮甜！仲要打孖上！
師傅會係sushi度放埋wasabi..所以你作為食個個..根本乜都唔使做..放落口就得
赤貝
第一次食咁厚肉ge赤貝..勁爽口！一d都唔腥
章紅魚
真係件件厚肉唔係講笑
師傅一路食會同我地好細心咁講返d食材啦..天南地北乜都講下..你一定唔會悶！
食食下我地就講到d飯..
原來呢度d飯係白神山地之水煮ge北海道米！就咁聽個名都覺得堅！YUM!
熟成左口魚
平時左口魚群邊就食得多..左口魚肉..仲要熟成左..真係第一次！
師傅話有熟成呢個需要..因為左口魚d肉本身會較un..熟成左ge話，就又可以食到個魚味..又唔會好un好難咬了
深海池魚
原諒我無乜形容詞
又係又厚肉又鮮味~
金目鯛
師傅輕輕一燒..個魚皮即刻變金金黃黃..好靚呀
魚油好香..又不失魚肉口感
拖羅
又係輕輕一燒..d魚油已經倒水咁
件拖羅係師傅手上有保護色
仲搞到成手油！唔使多講，都知道係入口即溶啦！溶係口溶埋係手
秘製赤身
何謂秘製..就係師父已經將呢隻赤身輕輕yip過..乜都唔使dip..好夠味！
另一個角度睇..so sexy
蔥花拖羅蓉
即場切蔥即場調味即場包
爆料呀
包好隊埋黎..用口接用手接又得
柴菜脆卜卜
海膽
唔使講啦..鮮！甜！有質有量！
時令湯
唔會hea你..唔係求其面鼓湯..今日呢個係用左金扇鯛鮑魚..一打開蓋已聞到好香魚味~
師傅話時令湯有機會日日唔同..主要睇下當日有乜靚食材啦
最後爆汁九洲哈密瓜畫上完美句號
埋單個時好suprise
有85折！師傅話..呢個係2020年為香港打氣抗疫優惠呀
臨走仲要送左包消毒濕紙巾比我地..物輕情義重！多謝你Michael！
see you next time！
