影片
更多
2020-09-30
2853 浏览
成日聽到人講旺角近麥花臣有間酒店嘅自助餐好抵食，今日喺附近聽完講座，諗唔到食乜嘢，就去搵吓呢間酒店，咁啱walk-in都有位，咁就同妹妹一齊試吓。首先就係每人有一客吉列虎蝦，新鮮炸起熱辣辣好好食。冷盤方面，刺身有三文魚、吞拿魚、八爪魚等等。另外仲有法國羔蟹、凍蝦、蟹腳、青口等。自助沙律吧賣相都非常繽紛。至於熟食方面，就有椒鹽蟹、芝士焗蠔、三色焗帆立貝、鹽燒海蝦。仲有炒雜菜、咕嚕雞球、雙花雲耳炒貴妃螺片、香草羊扒、三巴汁炒蜆、胡椒牛肋片、烤鴨腿等等。仲有炒意粉、炒飯、中湯西湯亦有。燒牛肉選用肉眼扒，肉質鮮嫩，賣相吸引。甜品都相當有驚喜，首先有杞子蛋撻，同埋即整嘅疏乎厘。仲有師傅即製嘅pancake，可以選擇生果或者唔同醬料。特別要讚下佢嘅楊枝甘露同埋佢嘅豆腐花，楊枝甘露媲美出面嘅甜品店，而佢嘅豆腐花係用黑豆製成，所以特別養顏。依家出面好多自助餐都唔會有得任飲，而呢度就有汽水、橙汁同咖啡供應。而我主力就係食最翻本嘅凍蝦同蟹腳，我refill咗好多次，證明餐廳都並不吝嗇，係無限量供應。今時今日$300可以食三小時自助餐，真係覺得好超值，確係值得一試！
首先就係每人有一客吉列虎蝦，新鮮炸起熱辣辣好好食。
冷盤方面，刺身有三文魚、吞拿魚、八爪魚等等。另外仲有法國羔蟹、凍蝦、蟹腳、青口等。
自助沙律吧賣相都非常繽紛。
至於熟食方面，就有椒鹽蟹、芝士焗蠔、三色焗帆立貝、鹽燒海蝦。
仲有炒雜菜、咕嚕雞球、雙花雲耳炒貴妃螺片、香草羊扒、三巴汁炒蜆、胡椒牛肋片、烤鴨腿等等。
仲有炒意粉、炒飯、中湯西湯亦有。
燒牛肉選用肉眼扒，肉質鮮嫩，賣相吸引。
甜品都相當有驚喜，首先有杞子蛋撻，同埋即整嘅疏乎厘。
仲有師傅即製嘅pancake，可以選擇生果或者唔同醬料。
特別要讚下佢嘅楊枝甘露同埋佢嘅豆腐花，楊枝甘露媲美出面嘅甜品店，而佢嘅豆腐花係用黑豆製成，所以特別養顏。
依家出面好多自助餐都唔會有得任飲，而呢度就有汽水、橙汁同咖啡供應。
而我主力就係食最翻本嘅凍蝦同蟹腳，我refill咗好多次，證明餐廳都並不吝嗇，係無限量供應。
今時今日$300可以食三小時自助餐，真係覺得好超值，確係值得一試！
张贴
