牛大人台灣火鍋吃到飽 (大鴻輝(荃灣)中心)

相信好多人都食過牛大人，實不相暪，係牛大人啱啱開我已經來食過，而且食完都覺得好抵好想返轉頭食，無諗過呢間店會火紅都咁，係永遠walkin都要等2小時，所以自開業食過一次之後就無機會/無毅力再來……但我同另一半都的起心肝，決定早d book位而且book早啲！星期六5pm就來到，未到晚飯時間，估唔到都已經坐咗三分一人，牛大人嘅威力真係非同凡響。

環境

環境好多大！好彩早到，坐到2人卡位，坐得好舒服。

餐牌

1

有三個套餐，食和牛都係$300唔洗，緊係揀呢個餐，最多嘢食！

自助區 

自助區

飲品

滷牛肉

台灣原住民特產小米釀

必講佢嘅自家製茶飲啦！相信係大家嚟都必飲，尤其佢嘅白桃烏龍茶，真係我嘅favourite ，好香桃味。菜類、菇類、丸類唔少得，另外都可加購台灣原住民特產小米釀，食得落嘅食埋佢嘅滷牛肉，都係任食。

任食 澳洲極上和牛 $248起

任食 澳洲極上和牛

$248

湯底揀咗鴛鴦鍋，加$50，揀左牛夫人秘方麻辣鍋及台灣鳳梨雞鍋，牛夫人秘方麻辣鍋揀左小辣，愈煲愈辣，麻度適中，煮牛肉一流！另外嘅台灣鳳梨雞鍋就愈煲愈甜，加埋係自助區拎嘅南瓜、冬瓜，十分清甜。

鴨血

和牛牛丸

澳洲和牛M5牛肩肉

海鮮

魚類

澎湖花枝漿

和牛牛丸

配料方面，牛肉必點澳洲和牛M5牛肩肉、荃灣店限定嘅牛胸爽、美國SRF極黑牛肩胛，每次上2塊，每次質素都一樣，唔會嚡口亦有牛味。另外食麻辣鍋嘅話，本身都配鴨血，必定要再加點，用麻辣汁醃咗，毫無腥味，反而比起出面食嘅多股甜味。澎湖花枝漿、新鮮沙白、海蝦、手工大黑輪都係必點！澎湖花枝漿勁彈牙足料，不得不提沙白，嗌咗咁多輪都無沙又鮮甜😭真係好正。仲有特色小食、炸物都係任食！

甜品

甜品每人選一款，我哋揀咗楓糖合桃味雪糕同自家製台中仙草凍，後者加咗花生都勁match。