家賀屋刺身寿司專門店

難得同老公慶祝生日月，當然要搵間高質又抵食嘅。我哋再訪家賀屋，真係無揀錯！見佢哋做緊伊勢龍蝦刺身特價，即刻加入會員，用$238就食到原隻龍蝦，抵到笑！🦐
我哋仲點咗個鹽燒仙台熟成牛舌芯定食，加錢升級做雙倍份量，每塊牛舌都好厚，口感好彈牙，真係食得好滿足。個明太子飯撈埋隻生雞蛋，飯香同鮮味昇華，真係有心思。仲有$58嘅吉列芝心豬扒，炸得香脆，一切開啲芝士流晒出嚟，真係好吸引。整體嚟講，呢間餐廳用料好，又有咁多優惠，真係食得好盡興，下次慶祝都係會揀返佢！

1

1