影片
更多
2023-01-14
271 浏览
新年嘅前夕，一家人當然要食返個團年飯，除咗團圓之外，餐飯梗係要食得有意頭，寓意2023年過得風生水起，以下呢一個套餐就係小編嘅誠心推薦(⁎⁍̴̛ᴗ⁍̴̛⁎)👍🏻金玉滿堂四人餐✨帕爾馬火腿烤蜜桃拼盤 呢個頭盤絕對出色，香甜嘅烤蜜桃配鹹鹹香嘅帕爾馬火腿及巴馬臣芝士，加上火箭菜及油，令食材配搭清新可口。✨金玉滿堂海鮮薄餅就算係外賣，薄餅都絕不遜色，果然係餐廳嘅招牌。呢款海鮮薄餅以 XO 醬調味的，配上甘藍、芹菜、水牛芝士、車打芝士、 巴馬臣，夠晒滋味，而且批底夠煙韌，麵粉味極香。賣相更加係盤滿缽滿，意頭十足！ ✨黑醋油封鴨腿伴烤蔬菜 慢煮嘅油封鴨腿灑上黑醋醬，並佐以用橄欖油，香草輕醃後烤焗嘅小甘筍、雜錦蘑菇、抱子甘藍、紅洋蔥及混合車厘茄，令豐潤嘅油增添一份香甜的焦糖味，而且加入左蔬菜，整體感覺唔會過於油膩。✨意式龍蝦海鮮湯粗管通粉呢碟意粉醬將經典海鮮湯昇華。以芹菜、紅洋蔥、番茄海鮮醬及白酒熬成嘅濃湯令粗管通粉的味道變得不平凡。餐廳亦都貨真價實地加入鮮嫩嘅龍蝦及青口，綴以蒜蓉油及新鮮羅勒，菜式更加香氣四溢。✨糖不甩麵包球小編最後用氣炸鍋返熱，圓碌碌嘅麵包球，食落鬆軟，蘸上煉奶，撒上花生粉、椰絲、黑白芝
👍🏻金玉滿堂四人餐
✨帕爾馬火腿烤蜜桃拼盤
呢個頭盤絕對出色，香甜嘅烤蜜桃配鹹鹹香嘅帕爾馬火腿及巴馬臣芝士，加上火箭菜及油，令食材配搭清新可口。
✨金玉滿堂海鮮薄餅
就算係外賣，薄餅都絕不遜色，果然係餐廳嘅招牌。呢款海鮮薄餅以 XO 醬調味的，配上甘藍、芹菜、水牛芝士、車打芝士、 巴馬臣，夠晒滋味，而且批底夠煙韌，麵粉味極香。賣相更加係盤滿缽滿，意頭十足！
✨黑醋油封鴨腿伴烤蔬菜
慢煮嘅油封鴨腿灑上黑醋醬，並佐以用橄欖
油，香草輕醃後烤焗嘅小甘筍、雜錦蘑菇、
抱子甘藍、紅洋蔥及混合車厘茄，令豐潤嘅油增添一份香甜的焦糖味，而且加入左蔬菜，整體感覺唔會過於油膩。
✨意式龍蝦海鮮湯粗管通粉
呢碟意粉醬將經典海鮮湯昇華。以芹菜、紅洋蔥、番茄海鮮醬及白酒熬成嘅濃湯令粗管通粉的味道變得不平凡。餐廳亦都貨真價實地加入鮮嫩嘅龍蝦及青口，綴以蒜蓉油及新鮮羅勒，菜式更加香氣四溢。
✨糖不甩麵包球
小編最後用氣炸鍋返熱，圓碌碌嘅麵包球，食落鬆軟，蘸上煉奶，撒上花生粉、椰絲、黑白芝麻及砂糖，帶點中西fusion，令人兩大啖就食完一舊(⁎⁍̴̛ᴗ⁍̴̛⁎)
💡套餐更加包括一支價值$328嘅汽酒！
等餐嘅時候，發現餐廳嘅環境都幾舒服，下次可以試吓堂食！
张贴
