多謝咁多年嚟好主動聯繫大家嘅好朋友籌辦
每次同佢地見面 都會有新嘅啟發
由以前好驚比老師ss點名出嚟做case study😳
到而家聽住佢哋喺隔離討論近年學校同學生嘅轉變
呢個感覺真係好特別!! 睇到大家心態永遠年輕真好🥰
特別鐘意友愛扶持、沒有批評、一齊成長嘅group🧡
我哋揀咗荃灣一間老牌中茶館 貪佢可以慢慢坐慢慢傾
估唔到老闆娘咁熱情 成個感覺好有人情味!
真心覺得香港人好需要moreeeee 咁表達出嚟!!
雖然呢間餐廳係以潮汕砂鍋海鮮粥同潮汕小食為主打
但我哋今次揀咗佢哋嘅懷舊海鮮饗宴✨
🦀手工百花釀蟹鉗
炸到好香脆 金橙色啖啖肉
我最鐘意係撈勁多泰式甜辣醬咁食😝
🦐茄汁炒蝦碌
買少見少嘅懷舊菜式 但我係勁鐘意食呢道菜
醬汁仲可以揀奶油/豉油王炒
但個人最推薦都係茄汁 酸甜度較得好完美
蝦碌大大隻 殼炒到軟晒其實懶嘅就咁食都食到😂
🦪脆米胡麻醬元貝
炸元貝真係比較少食 炸得唔算好脆
擠上開胃嘅胡麻醬 呢個配搭又幾惹味
🍚古法鮑汁什燴荷葉飯
食小菜加碗香噴噴嘅荷葉飯係絕配
鮑汁調味適中唔會太咸 如果再多啲汁就仲正😆
食材其實都幾豐富 每啖飯都有餡同食
🥢碧綠黑木炒斑球
食完濃味野清清口味嘅菜式
好多翠玉瓜 啱晒我哋呢班養生美少女🤭
班球啖啖肉 份量都唔少
🥢拔絲咕嚕肉
雖然唔係我預期中果種拔～～～絲
但佢酸酸甜甜非常開胃 最鐘意佢唔會炸到太卜卜脆
仲有三色椒襯托 好colourful
🍲砂鍋雲吞雞
又係幾位養生美少女一致推薦嘅一道菜！
雞湯底熱辣辣 味道鮮甜 可以就咁飲咁先
飲完唔會口乾 味精test Pass!!
雞肉同雲吞都好多 仲有埋青菜🥬
雲吞夠飽滿 啲肉都肥瘦分明
🥬上湯浸時蔬
估唔到會比豆苗我地😍 有買開餸嘅人就知豆苗唔平🤭
豆苗好鮮嫩 浸埋清湯好正呢～
重點嚟喇‼️呢個咁豐富嘅套餐每位竟然只係$198 (另收加一)
Openrice訂位仲要有9️⃣折優惠‼️
4️⃣人以上就可以同餐廳預訂架喇 真心仲抵過茶樓✨
