金拇指米線 (福至工業大廈) (已結業)

物價飛漲，以前20幾蚊可以食個茶餐，今時今日仲有邊度可以食到？偶然間又真係比我搵到一間20幾蚊食個茶餐嘅地方。同事食完飯攞咗張外賣紙返嚟。我睇價錢，實惠又多選擇。隔日便與同事叫咗個茶餐。我就食鮮豬潤清湯米線 $27，米線份量啱啱好，唔會食到太飽。米線係煮到偏彈牙一啲嘅，豬潤彈牙滑嫩，唔係粉果種，都有幾大塊。同事就食炸醬撈麵 $26，我就無試到，但聽佢講都話味道唔錯。我覺得味道真係不過不失，用料都新鮮，選擇多，加上以呢個價錢嚟講真係難得。