✨懷舊套餐逐樣數✨
🦀手工百花釀蟹鉗炸得金黃脹卜卜，蝦膠彈牙包住原隻蟹鉗，啖啖鮮味；
🍚古法鮑汁什燴荷葉飯一掀蓋香氣撲鼻，冬菇、火腿絲撈勻黏嘴鮑汁，邪惡到連荷葉都舔埋；
🐟碧綠黑木炒斑球用咗厚切斑塊同雲耳，滑溜得嚟夠鑊氣；
🦐揀咗童年最愛炒蝦碌（茄汁版），大蝦開邊沾滿酸甜醬，秒回酒樓跟阿婆飲茶嘅年代！
🍍拔絲咕嚕肉絕對係驚喜！糖漿拉絲半米長，外脆內軟肥瘦勻稱，同行朋友瘋狂打卡📸；
🐚脆米胡麻醬元貝將日式醬汁玩出花樣，脆米索盡芝麻香；
🍲砂鍋雲吞雞湯頭奶白，飲一啖成身暖晒；
🥬蒜蓉上湯豆苗清淡平衡成餐飯。
🐑寒夜追加彩蛋：震撼羊腩煲
凍到震❄️忍唔住加碼細煲羊腩煲，上枱瞬間全場O嘴——邊個話呢個係「細煲」㗎？！砂鍋深過維多利亞港🌊，羊腩堆到小山咁高⛰️，連枝竹、馬蹄都份量十足，藥膳湯底飲完成個背脊出汗💦。4個人拚死食剩半煲，乖乖打包明日午餐。
💡整體評價
人均兩舊水食到手工懷舊菜，每款都真材實料，絕對係良心價！💰建議4人分享套餐，唔需要再加餸，份量好足夠🏃。寒流下呢個羊腩煲簡直係救人一命🆘，記得約多幾個飯腳先好挑戰啊！
