18樓雞煲火鍋專門店

营业中

休息中

話明係18樓雞煲火鍋專門店，就梗係喺18樓㗎啦。位於荃灣大鴻輝的分店，終於有餐廳唔係九點就截單，營業時間到凌晨。同朋友9:30先黎到，餐廳仲係好熱鬧，而且仲有優惠價，order 左個套餐A。任食任飲，好抵食。先講下個雞煲，一上檯就可以食得，唔洗再等，雞件啖啖肉，味道係好惹味，芹菜同芫茜味好出，醬味非常多，唔會好乾，就算食完都夠每人另外拎定小小汁，陣間打邊爐再用嚟點汁食。加湯亦另外有分清湯同麻辣湯，唔會減少左湯底嘅麻辣味。火鍋配料種類夠多，肥牛有兩款，鐘意食肥啲或瘦啲嘅朋友都有得選擇。海鮮類夠哂新鮮大隻，啲蝦隻隻都大隻厚肉，眼仔係齊度，証明新鮮度好夠。傳統港式邊爐料都有齊哂。驚喜嘅係佢嘅響鈴係大響鈴個款，唔係細細卷個款，大響鈴先食到個口感。飲品方面就最鐘意佢個自家冷泡菜，打邊爐可以一路食一路幫助消化解滯。