🥩 肉食控天堂
主角當然係「日本黑毛和牛A4+」！油花分布超靚，輕輕一淖已經入口即化，牛味香濃！另外伊比利亞黑毛豬梅肉都係驚喜之作，肉質爽甜。仲有澳洲M9和牛牛丸，爆汁彈牙，牛味極濃！
🦐 海鮮狂熱
海鮮拼盤超豐富！有蝦、蠔、蜆、原隻魷魚同帶子，全部都好新鮮。最正係鮮甜鮑魚任食！我哋試咗鮑魚三食，超級滿足。
🍲 鴛鴦鍋底驚喜
我哋揀咗鴛鴦鍋：
▪️「養生菇菌燉雞鍋」— 真係有半隻雞喺裡面！湯底超甜，菌香十足，飲完個胃好舒服。建議大家真係要先飲湯！
▪️「麻辣火鍋」— 香麻唔死辣，惹味十足，淖肉一流！
🍞 必試小食
▪️ 蝦蝦霸霸脆多士 - 多士脆到不得了，上面鋪滿蝦肉，鮮味彈牙，必點！
▪️ 日本和牛橘梨伴豆腐 - 和牛他他配清新橘梨同滑溜豆腐，口感層次超豐富，好有驚喜！
▪️ 阿嬷豆乾魚蓉麵 - 用香港老字號「永樂粉麵廠」嘅麵，豆乾滷得入味，魚蓉麵好掛湯，充滿地道風味！
🔱 宜家晚市點「🎌日本黑毛和牛A4+ 套餐」即送「🦀江蘇太湖大閘蟹🦀」一隻！超正🥰到2/12
💠 「東南西北·回到童年時」
和牛套餐，每檯可以玩一次遊戲，送返細個玩開嘅童年玩具或者牛大人小禮品，好過癮！
今個月仲有其他懷舊小食同特飲，我特別推薦：
▪️ 特飲：芒檸蜜西米爽 - 酸甜清爽，仲有西米增加口感，打邊爐飲一流！
▪️ 甜品：蜜桃愛玉冰 - 蜜桃味清香，愛玉QQ滑溜，為呢餐畫上完美句號。
▪️ 特飲：港式檸檬茶18+ - 惠顧「日本和牛」套餐已經可以任飲！😎
由湯底、肉質到海鮮同小食，水準都非常高！A4和牛嘅油脂感同鮑魚嘅鮮味令人念念不忘，出邊仲有好多配料同埋台式飲品，服務員態度都好好，成個體驗又食又玩，性價比高！一定會再encore～
