牛品台式火鍋

营业中

休息中

唔使去台灣都食到正宗台式火鍋‼️牛品由台灣師傅主理，有十幾款獨創嘅招牌湯底，最鍾意夏日限定嘅✨蟲草花白玉藏珍鍋✨ 配冬瓜、蟲草花、鮮蝦、雞肉，夏天食啱晒，清甜解毒又消暑。餐廳主打超過100款台灣直送小食，講得出嘅鹽酥雞、台式滷肉飯、炸地瓜丸、台式甜不辣、水蓮都有齊！甜品飲品任飲，仲有1664生啤🍺無限任飲！我同妹妹揀咗「牛殿品」套餐，每位仲送一隻鮮活鮑魚和兩杯夏日限定飲品，環境舒服座位寬闊，自助區乾淨企理！非常驚豔120分鐘放題配有高級牛肉🥩 來自日本宮崎A5牛，入口即化、油脂比例均勻、雪花勁靚，我地都忍唔住食咗好幾盆！另外澳洲M9和牛肩胛肉、手切美國頂級封門柳都好正，肉質軟腍！💯海鮮選擇好多，夠新鮮同水準高！日本廣島蠔、台灣墨魚仔都係我哋嘅心水之選！甜品方面，豆花同刨冰🍧都係必食，可以自己動手整同調配，好玩！我哋撈咗黑糖珍珠、愛玉、椰果、桃膠、紅豆⋯⋯ 仲有Häagen-Dazs雪糕。以後同好朋友聚會有多一個高質放題嘅好地方！