套餐包咗一碗白飯，一碗麵豉湯同前菜，白飯仲可以加錢升級紫菜玉子飯！另外飲品同埋甜品都可以俾錢加購，我哋今次就加咗$22揀咗一罐日本桃果汁汽酒，另外只需要加$15就可以食到Häagen-Dazs雪糕啦！
放題套餐可以選擇嘅野食都幾多，包括肥牛、豬腩肉、豚肩肉、和牛漢堡、雞肉、香草腸仔等。當中👍最推薦嘅係和牛漢堡，細細件唔會太飽肚，牛油十足非常滋味呀！另外肥牛同豬腩肉都係大熱之選！
特別鍾意呢個放題包埋牛油金針菇、雞髀菇、蕃茄仔、紫洋蔥，仲有日式小甜薯！真係超正呀！食肉太油膩嘅時候，就可以間隔住蕃茄同菇啦！😋
除咗放題，一燒肉嘅串燒同樣出色！以下推薦三款我嘅心水：
👍厚燒牛舌芯 $27.2
多蒜爆汁，爽口之選！
👍鳥皮 $23.8
雞皮燒到勁脆，入口甘香！
👍錦爽雞肉丸配日本之卵 $18.7
燒汁味濃，配日本雞蛋蛋味濃郁！👅
另外，一燒肉最近新出咗燒蠔（$38兩隻）當日我地都單點咗一份
