本來可以一覽維港景色只可惜個日天氣唔好☹️ 不過都冇阻我嘅心情🤗
/Uni afternoon tea ($798 for two)/
黎個下午茶成功成為我覺得香港好食下午茶top3😍
佢鹹點同甜點比例唔錯，鹹點方面全部食物都加入左海膽😋 分別有海膽鰻魚牛油果迷你泡芙、海膽撻配煙燻牛肉及烏龍果凍、海蝦瑞士卷配海膽蒜泥蛋黃醬、海膽海鮮泡芙卷，全部都好好食，海膽非常鮮甜可口😍 每樣食材都完美配搭海膽！
甜點方面都好出色，平時好怕d 甜點會又大舊又甜，黎個完全冇黎個問題😍 大部分甜點都加入生果元素，唔會太甜，仲各有特色，分別有荔枝梨子撻、白桃烏龍茶慕斯蛋糕、菠蘿椰子杯、蜜瓜忌廉筒！另外值得一提就係甜點都竟然有海膽元素🤣有個蜂蜜檸檬蛋糕配海膽忌廉相當特別😳 鹹鹹甜甜味道幾有趣！
食下午茶最重要梗係scone 同埋飲返杯靚茶🤣 scone 方面有原味同埋芝士😍加埋clotted cream 同埋柚子果醬味道清新！
我今次就試左Ritz Carlton exclusive 嘅signature tea blend☕️ black orchid tea 口感順滑，帶有陣陣雲尼拿香味👍🏻
整體黎講，好難得下午茶全部食物我都會咁欣賞🤣 鹹點同甜點比例好好👍🏻海膽主題真係不得了😍
