我同朋友今日掛住shopping，
夜晚9點先去到餐廳都人山人海，
餐廳有大量$10、$15串燒，
平價之選真係要叫多幾串🍡
必點推介✨
🔥泰式燒墨魚鬚 - 脆到不得了，配埋泰式辣醬超惹味
🔥鹽燒荔枝卷 - 鹹甜交融，好有創意
🔥椒鹽紫菜九肚魚 - 外脆內嫩、入口鬆化，點埋肥仔醬汁更加正
🔥蒜蓉菜脯燒茄子 - 呢個係食串燒每次必點，呢度好特別加埋菜脯，第二度食唔到㗎
🔥 墨魚滑紫菜大蝦 - 超足料、材料好豐富，而且大大份，真係好抵食
🔥港式蜜糖多士夾雪糕 - 呢度嘅招牌甜品，每次嚟都會點，個多士烘得香脆，夾住雪糕凍熱交融，邪惡到極
今次我哋坐吧枱，但係都唔會覺得好迫，
店員態度友善好nice，成晚體驗好愉快😍
