Green Orange

上環昌盛大廈嘅Green Orange 11週年慶，除咗二人套餐85折外，仲推出$1生蠔優惠 (惠顧二人套餐，每份套餐可以$1換購10隻生蠔 或惠顧主菜main course，每枱以$1換購最多10隻生蠔) ，當然唔可以錯過！餐廳氣氛輕鬆，今晚試咗DELUXE DINNER SET，抵食又滿足！由頭盤到甜品都好有驚喜，$1188有齊紅酒、前菜、餐湯、兩道主菜同甜品，性價比之選！一開始先有紅酒，酒味順口，帶少少紅莓香，配菜超啱！前菜有黑松露蟹肉多士同青蘋果巴馬火腿沙律，多士脆卜卜，蟹肉鮮甜，黑松露超香！沙律清新，青蘋果酸酸甜甜搭鹹香火腿，開胃一流！海鮮湯好濃郁，暖胃又唔太膩。主菜一係燒大蝦羽衣甘藍香草醬意大利麵，大蝦彈牙鮮甜，燒得外焦內嫩，羽衣甘藍同香草醬帶點清新草本香，意大利麵煮得啱啱好，醬汁掛麵均勻，味道清爽又唔失層次，令人好滿足！主菜二係摩洛哥燉羊膝，羊肉燉到入口即化，香料味好正，食落好有異國風情！甜品係焙茶蕪糖燉蛋，滑溜溜又香，焙茶味同焦糖好match，甜得啱啱好！仲有畫碟服務，碟上畫得超靚，慶生同特別日子慶祝影相一流！不過要留意番，二人套餐85折及$1生蠔優惠不能同時使用呵。