Green Orange

隱世高質西餐廳，中意食蠔既朋友一定要去！因為係有$1生蠔呀🤩每份main course可以叫五隻，二人套餐最多十隻，勁抵！另外二人套餐85折，仲有寫字畫碟甜品，打卡一流！生蠔雖然優惠加購係$1隻，但質素絕絕唔差，新鮮夠大隻，鮮甜肥美🧡黑松露蟹肉多士同埋北海道帶子沙律都好足料，好中意佢地既沙律唔係一般只有沙律菜咁普通，佢地既沙律會有芒果青蘋果，撈埋沙律醬黎食感覺好清新💚而燴羊膝都好特別，會配埋薄餅一齊，薄餅有酸乳酪可以點黎食，無咁飽滯，羊膝就超多肉又唔會好騷，加上酸酸甜甜既醬汁，愈食愈開胃❤️意粉亦好唔錯，濃厚既海膽蛋黃醬沾滿每條意粉，紅蝦煎香佐都仲好大隻，超級creamy既口感💛甜品就更加要order，畫碟超靚，而且啲甜品都好好食，焙茶燉蛋唔會好甜，茶香十足🤎