影片
更多
2025-05-06
0 浏览
最近同朋友想一齊食餐勁既，見到 「悅品度假酒店」，新推出左以龍蝦松露為主題既晚市半自助餐，星期一至四連加一每人都只係 $295，真係好抵食，於是就即刻係 OpenRice 訂左枱。除左主菜，餐湯、冷盤吧、沙律吧、甜品吧、飲品吧同雪糕都係任食任飲，選擇超豐富，點可以吾試🤣.焗原隻新鮮波士頓龍蝦米多真係原隻龍蝦上枱，睇到都覺得好滿足。龍蝦肉每一粒都包裹住濃郁既芝士，入口彈牙又鮮甜，芝士既香味同龍蝦既鮮味夾得岩岩好，食完真係意猶未盡，實在太正！.烤美國安格斯牛肉眼扒配黑松露燒汁另一款主菜試左烤美國安格斯牛肉眼扒配黑松露燒汁，牛肉眼扒烤得岩岩好，肉質嫩滑多汁，帶有少少油脂香，配埋黑松露燒汁，味道更濃郁有層次，咬落真係好享受，松露迷一定會中意。.冷盤吧同沙律吧冷盤吧同沙律吧既選擇都吾錯，海鮮有東風螺、藍青口、白蝦同蜆，我就最中意食凍蝦，配埋雞尾油汁，肉質爽甜，encore左三轉😂而沙律吧就有香橙椰菜沙律、瑞士薯仔沙律、蕎麥冷麵，仲有布里芝士、車打芝士同雜錦凍肉拼盤等等.熟食吧熟食吧亦都好吸引，有薯格可以熱辣辣即食，仲有龍蝦濃湯同土茯苓赤小豆豬骨湯。兩款湯都好正，龍蝦濃湯濃郁鮮香，土茯苓湯清甜養生
最近同朋友想一齊食餐勁既，見到 「悅品度假酒店」，新推出左以龍蝦松露為主題既晚市半自助餐，星期一至四連加一每人都只係 $295，真係好抵食，於是就即刻係 OpenRice 訂左枱。除左主菜，餐湯、冷盤吧、沙律吧、甜品吧、飲品吧同雪糕都係任食任飲，選擇超豐富，點可以吾試🤣
.
焗原隻新鮮波士頓龍蝦米多
真係原隻龍蝦上枱，睇到都覺得好滿足。龍蝦肉每一粒都包裹住濃郁既芝士，入口彈牙又鮮甜，芝士既香味同龍蝦既鮮味夾得岩岩好，食完真係意猶未盡，實在太正！
.
烤美國安格斯牛肉眼扒配黑松露燒汁
另一款主菜試左烤美國安格斯牛肉眼扒配黑松露燒汁，牛肉眼扒烤得岩岩好，肉質嫩滑多汁，帶有少少油脂香，配埋黑松露燒汁，味道更濃郁有層次，咬落真係好享受，松露迷一定會中意。
.
冷盤吧同沙律吧
冷盤吧同沙律吧既選擇都吾錯，海鮮有東風螺、藍青口、白蝦同蜆，我就最中意食凍蝦，配埋雞尾油汁，肉質爽甜，encore左三轉😂而沙律吧就有香橙椰菜沙律、瑞士薯仔沙律、蕎麥冷麵，仲有布里芝士、車打芝士同雜錦凍肉拼盤等等
.
熟食吧
熟食吧亦都好吸引，有薯格可以熱辣辣即食，仲有龍蝦濃湯同土茯苓赤小豆豬骨湯。兩款湯都好正，龍蝦濃湯濃郁鮮香，土茯苓湯清甜養生，飲完覺得好舒服，吾自覺encore左幾次，暖胃又滿足。
.
甜品吧同飲品吧
甜品吧有香脆窩夫、腐竹雞蛋糖水，水果，杞子桂花糕，迷你cheese cake，蘋果金寶等。窩夫熱辣辣好脆口，糖水暖笠笠好滋潤，食完主菜再食埋甜品真係完美ending。飲品吧有咖啡、橙汁同冰紅茶，選擇簡單但夠解渴，配埋甜品岩岩好。
张贴
