The Platter (悦品度假酒店‧屯門)

海之誘惑自助午餐大人小朋友都好啱去！星期日幫襯的時候人頭湧湧，座無虛席！大家記得要訂座！自助餐當然美食很多！海之誘惑自助餐有多款不同的海鮮，有大蝦、翡翠螺、麵包蟹、青口！仲有粉絲扇貝、黃金蝦、青酒煮蜆、三文魚！有多種不同的海鮮，每一款都相當新鮮及鮮甜！餐廳會把食材不停重新補給，所以不用害怕不夠吃！除了海鮮之外，還有多款熟食，有紐西蘭牛扒，即點即切！啖啖肉非常惹味，肉味香濃！仲有刺身專區，又肥美又鮮甜。多款刺身任點任吃，三文魚、吞拿魚、魷魚等等！仲有湯、麵包、冷盤如火腿等等仲有甜品專區，芝士蛋糕、紫薯布丁、朱古力噴泉等，仲有Häagen-Dazs杯雪糕！相當抵吃！食返雪糕都非常滋味！大人跟小朋友都吃得相當開心及滿足，大家都搵到自己喜愛的食物！小朋友當然最愛的是朱古力噴泉！同埋吃雪糕！自助餐價格相宜，食物種類多，大飲大喝相當滿足！餐廳外還有一個露天花園，可以休息和打卡的！非常特別！chill and relax!吃飽飽跟小朋友到了位於5樓的兒童遊樂區，還可以半價玩這裏的玩樂設施！大飲大喝後相當滿足，環境乾淨，而且人流不多，玩得安心又放心！看到還有優惠是如果平日來光kid menu,仲可以包了兒童遊樂場玩耍！下次平日再來光顧！…查看更多

酒店2樓就係設計感十足既火車站造型Lobby 同埋餐廳個女好興奮係咁要影相打卡出面露天亦有好靚既Cozi Starry Garden天黑影相好浪漫！可惜我地天雨關係無得影之後經過入閘機，今次安排坐係火車車廂入面大人都覺得食得特別有feel~~🔅忌廉牛油白酒煮波士頓龍蝦每人一張號碼牌～交比廚師後就即煮，再送埋去位度唔駛自己排隊企係度等，好方便熱辣辣，龍蝦肉彈牙仲可以係咁拎添🔅冰凍海鮮估唔到依個價錢有齊長腳蟹、麵包蟹、翡翠螺、藍青口、白蝦蟹腳幾重海水味麵包蟹勁多蟹膏🔅刺身有幾款包括三文魚，赤蝦，帶子，北寄貝同埋鯛魚食落無雪味，溶雪做得唔錯🔅熱食BBQ豬肋骨醬汁濃又夠淋燒羊鞍無乜羶味，外脆內軟西冷牛扒熟度岩岩好，牛味夠濃辣酒煮翡翠螺辣度岩岩好豉椒炒蜆蜆肉飽滿又惹味🔅甜品自製窩夫小朋友最鐘意玩朱古力噴泉，可以點棉花糖，整落窩夫度Haagen-Dazs雪糕任食！5/F 仲有兒童遊樂區好適合細B 放電添！…查看更多

📍屯門悅品酒店The Platter｜海王盛宴自助晚餐！龍蝦任食＋空中花園打卡全攻略🦞 龍蝦狂熱者天堂！白汁熱龍蝦無限任食最驚喜必數「忌廉牛油白酒煮波士頓龍蝦」！唔係凍冰冰嘅海鮮盤，而係熱辣辣即煮！只要拎枱上嘅號碼卡交俾廚師，佢就會用白酒牛油汁即場烹調，煮好後由侍應送上枱～龍蝦肉彈牙裹滿濃郁醬汁，芝士香混合鮮甜蝦肉，encore三隻都嫌少！🌊 海鮮山震撼登場｜凍盤熟食雙重滿足‧ 冰鎮海鮮陣：鱈場蟹腳、麵包蟹、翡翠螺、藍青口、白蝦堆成小山！蟹腳鹹鮮爆肉，麵包蟹膏多到漏油，凍蝦爽甜到想打包。‧ 刺身吧檯：三文魚油脂甘香、阿根廷赤蝦鮮甜軟糯、帶子厚切滑嫩！仲有北寄貝＋鯛魚，師傅手起刀落無限補貨。‧ 熱食狂想曲：BBQ豬肋骨蜜汁焦脆、燒羊鞍外脆內嫩無羶味、西冷牛扒肉汁炸裂！中式驚喜有「辣酒煮翡翠螺」同「避風塘炒蜆」，香辣過癮。🍨 甜品控暴動區｜自製窩夫＋雙品牌雪糕甜品吧成個角落都係打卡位！必試：✓ 自製格仔窩夫：熱辣脆身＋朱古力噴泉/棉花糖DIY，童趣感滿分🧇！✓ Häagen-Dazs＋Mövenpick雪糕：6款口味任挖，配新鮮蜜瓜/西瓜超解膩。✓ 暖胃糖水：腐竹雞蛋糖水、龍蝦濃湯、土茯苓豬骨湯輪流上，中西湯品都高質。🚂 火車主題＋星空花園｜靚景食到唔捨得走餐廳以復古火車卡設計，卡座配懷舊燈箱，影相自帶復古濾鏡！戶外「Cozi Starry Garden」更誇張——滿天星燈＋藤蔓花牆，夜晚亮燈浪漫到似偶像劇場景，情侶/閨蜜打卡必衝！…查看更多

The Platter位於屯門Hotel Cozi入面，西鐵站行過去都相當方便，近期星期五至日晚市做緊「悦享蟹宴」呢個主題，作為蟹迷同海鮮控，又點可以唔試下呢？價錢方面，星期五成人每位＄538，透過COZi Dining預訂，即可享有專屬7折優惠，三歲以下嘅小朋友仲係免費添架。餐廳環境都算闊落，以火車主題，入餐廳要經過鐵路入閘機，裡面部分座位係火車卡位，打卡一流。食物方面選擇都算多，只係沙律都有好幾款，當中蟹肉帶子鮮果沙律好足料，雞蛋蝦通粉沙律色彩繽紛，賣相吸引。職員帶位後就俾左張卡仔我地，上面有我地檯號，憑卡可以出去拎一份焗芝士波士頓龍蝦，每次只能拎一份，等候需時，但都係值得嘅，入口濃郁香醇，結合咗龍蝦嘅鮮甜以及芝士嘅香氣，口感軟嫩彈牙，無得彈。冰鎮海鮮方面有翡翠螺、鱈場蟹腳、麵包蟹、花蟹、白蝦及藍青口。鱈場蟹腳不但夠粗壯，而且夠長，溫度控制得好好，唔會雪到死實實，一搣開就見到白雪雪、脹卜卜嘅蟹肉，入口鮮甜到震，食落仲啖啖肉！麵包蟹係咪「爆膏」就真係要睇彩數，今次我哋攞嗰幾隻，雖然唔算爆到瀉，但啲膏都係綿密甘香！花蟹方面肉質細緻，雖然要花少少功夫拆殼，但一試佢嘅清甜，就覺得辛苦都係值得嘅！其他冰鎮海鮮仲有白蝦、藍青口、翡翠螺等等，全部都新鮮，尤其係白蝦，隻隻都爽口彈牙，個頭同個身都係連得實一實，證明新鮮度係極高水平，真係一流嘅開胃菜！刺身方面有赤貝、魷魚、北寄貝、鯛魚、吞拿魚同三文魚，三文魚油花分布均勻，入口即溶。吞拿魚夠「實淨」，味道鮮明。整體嚟講，刺身嘅新鮮度係有保證嘅，而且師傅切得夠厚身，食得好滿足！熱盤方面，炸物中炸蟹餅同炸鱈蟹棒較為吸引，炸蟹餅炸到金黃色，圓碌碌脹卜卜，外層炸粉薄薄一層，脆卜卜！入面就係實淨嘅蟹肉餡，咬開真係見到一絲絲嘅蟹肉，食落好香口，配埋佢個特製醬汁（少少似蛋黃醬加香草），酸酸甜甜，中和咗炸物嘅膩感，令人想食多幾件！炸鱈蟹棒賣相呈長條形，外層酥脆，入面保持到魚漿嘅濕潤同彈性，食得出魚肉嘅鮮味，當小食一流，勝在熱食夠過癮！鵝肝蟹肉炒飯：炒飯融合咗鵝肝嘅香濃、細膩口感，以及蟹肉嘅鮮甜。呢種組合能來濃郁嘅香氣及豐富嘅層次感，鵝肝嘅滑順同炒飯嘅粒粒分明形成對比，同時增添了海鮮嘅鮮味，簡直係奢華嘅味覺體驗。 鲍魚螺片蟲草花燉湯:呢個燉湯賣相清澈金黃，一飲落口，個湯底清甜醇厚，入面有螺片、鮑魚粒同埋蟲草花。味道方面，湯頭帶有淡淡嘅藥材香，清甜而不膩，鮑魚同螺片嘅精華完全溶晒入去。天氣涼涼地嘅日子飲返碗，真係暖胃又滋補！爐端燒睇住師傅喺度燒，都已經聞到陣陣香氣，非常吸引。選擇都唔少，有鮑魚、扇貝、生蠔、蝦、青口、雞翼、香腸等等。生蠔： 雖然體型唔算係巨型，但燒過之後蠔味更濃郁，個汁鎖喺入面，咬落去嗰吓真係「爆汁」！蝦： 燒蝦肉質比凍蝦更緊實，表面灑上少少海鹽同胡椒，將蝦肉嘅鮮味推到極致。雞翼： 外皮燒到脆卜卜，七味粉夠晒香口惹味，作為熱食小食，真係一流。香腸：燒得好入味，外皮阱脆。甜品方面除左有各式各樣嘅蛋榚之外，仲可以自己整窩夫，有得玩，有得食，真係開心。雪榚方面更加有驚喜，除左香港人熟識嘅cocoberry之外，仲有Haagendaz 同埋movenpick，為我地嘅晚餐劃上完美句嘅。透過大窗戶仲可以望到 COZi Starry 星悅的打卡區域，有月亮同繁星燈飾佈置，食完飯之後可以帶小朋友出去放下電消化下，影下相打下卡！除此之外，餐廳食客仲可以有半價優惠去五樓嘅兒童樂園玩添呀。…查看更多

🏖️放假當然要帶小朋友去放電⚡️其中一個最方便嘅地方就去屯門悅品酒店，我哋好鍾意帶兩個小朋友去食自助餐餐廳出邊平台Cozi Starry 星悅供小朋友玩樂，食完飯之後仲可以打卡影靚相，呢度適合親子家庭去玩樂同享用自助餐，自助餐款式好多，小朋友實啱食🧑‍🧑‍🧒‍🧒🦁品味獅城全自助午餐🍽️熟食推介西冷牛扒，羊架，豬肉雞柳串燒，各款海鮮，包括熟蝦，三文魚，蔬菜，天婦羅，咖喱牛腩印尼炒飯,喇沙海鮮湯麵，餐飽及各款芝士，中式同埋西式湯都有，啱晒小朋友🦐刺身冷盤三文魚，吞拿魚，劍魚腩，赤貝，玉子翡翠螺，熟蝦，時令水果，蔬果沙律，沙律通粉應有盡有🍨甜品雪糕設有藍莓芝士蛋糕，芒果芝士蛋糕布丁奶凍，小朋友最愛的啫喱糖朱古力噴泉，沾上水果，口感一流極受歡迎雪糕品牌movenpick，Häagen-Dazs，有朱古力味，士多啤梨味，雲呢拿味🥰仲有得焗窩夫沾上朱古力醬及蜜糖一流！！🥂飲品雜果賓治，橙汁蘋果汁，樽裝果汁，啤酒，咖啡機供應各款不同的咖啡及熱飲…查看更多

我哋有時慶祝都會嚟，因為次次小朋友去都好開心😆小朋友鍾意酒店大堂地下有火車頭，今次餐廳平日夜晚做緊龍蝦松露半主題自助晚餐，主餐價錢由$258至$407不等，均可以享用外面嘅沙律、前菜、海鮮冷盤、中西湯、小食、甜品飲品，仲有MOVENPICK雪糕🍦個人覺得性價比都幾高👍🏻小朋友可以叫兒童餐，有火車頭炒飯同薯條🍟，最重要嘅係送60分鐘 #兒童樂園 🤩位置喺酒店5樓，有電動車可以揸🚒🚗🚓 海鮮冷盤翡翠螺同青口都唔錯，可以盡情食，中湯節瓜章魚湯有驚喜😋主菜我哋揀咗焗原隻新鲜波士頓龍蝦米多同烤美國安格斯牛肉眼扒配黑松露燒汁；龍蝦醬汁調味幾有特色，如果有配埋薯蓉撈汁就好啦😆牛扒🥩肉味鮮嫩，啖啖停唔到口，正！黑松露燒汁好提鮮，幾乎想添汁😂 甜品方面，朱古力噴泉相信小朋友一定鍾意，MOVENPICK雪糕有四種口味😍so good~…查看更多

辛苦咗成個禮拜，係時候要慰勞吓自己😬約朋友仔食返個靚buffet🤞🏻悅品酒店既🌟海王盛宴自助晚餐🌟勁豐富，樣樣食少少都夠我哋飽到上心口😉主角芝士焗波士頓龍蝦🦞蝦頭多膏、厚肉彈牙，芝味爆曬燈😍仲要採用籌號形式任食，唔使出去同人爭🤞🏻第二主角冰鎮海鮮有鮮味十足既鱈場蟹腳、爆曬膏勁甘香既麵包蟹、超大粒嘅翡翠螺、食得出好新鮮既白蝦 🦐同鮮嫩冇沙、處理得好好既藍青口．．我地已經數唔到encore咗幾多次😆🐟刺身區有三文魚、鯛魚、阿根廷赤蝦、魷魚、北寄貝、赤貝同吞拿魚，全部都新鮮夠凍又厚切‼️啱晒我哋呢啲海鮮怪❣️🔥隔離爐端燒仲有鮑魚、扇貝、青口、蝦🦐、七味雞翼、香腸、菠蘿🍍同茄子🍆．．師傅呢頭仲燒緊，轉個頭就俾我哋夾走咗，新鮮出爐熱辣辣，食咗咁多凍嘢，係時候要食返啲熱野👍🏻原條穀飼肉眼扒🥩牛味濃厚、粉嫩多汁，啱啱好係我哋想要嘅熟度👍🏻👍🏻燒羊鞍切開佢仲係粉紅色，軟嫩唔羶，唔怪得食落咁嫩口😘🐓熱盤方面，小妹超推皮脆肉滑既炸子雞同蒜香誘人，肥美大隻既焗生蠔同惹味到爆炸嘅辣酒煮花螺．．呢幾款都係一食就停唔到口🤣🎂甜品方面：除咗有多款蛋糕仔、新鮮生果外 、朱古力噴泉⛲️、雪糕（Haagen Dazs、MOVENPICK、本地品牌CoCoberry.. ）之外，仲可以自製窩夫🧇．．滿足埋自己第二個胃💕新鮮整好嘅窩夫超級鬆軟、最啱放個雪糕上去一齊食，冰火交融，好食到暈，今日又係大滿足嘅一日😘🛑The Platter📍屯門建豐街4號悅品度假酒店•屯門2樓港鐵屯門站A 出口，步行約3分鐘…查看更多

用左kkday優惠(69折)，買左半自助晚餐2位(星期一至四先有)，為13/11/2025(四)晚慶祝結婚紀念日的。內在環境:唔算太大，燈光昏暗，但舒服主菜:烤草飼羊架配迷迭香草汁有4件，全熟，咬得開，但就冇羊嘅騷味香煎深海盲曹魚配紅花忌廉汁有啲咸，魚皮煎得還可以沙律菜內羽衣甘藍好硬，有3種醬汁選擇冷盤:蝦，翡翠螺，青口，蜆生果:蜜瓜，西瓜，哈蜜瓜甜品:蛋糕，泡芙，桂花糕，熱芝士迷厘撻，燉蛋(太甜)等冷盤火腿熱湯:2款雪糕有2隻牌子: 只識movenpick(有4種味，士多啤梨，朱古力，薄荷朱古力及雲呢拿)窩夫→要自己親自放啲粉漿落部窩夫機到，好特前，但要180度轉，完成後又要轉先起得窩夫出嚟，希望有職員在旁指導吓(因文字版，每個人嘅理解都唔同)仲有生果朱古力噴泉户外有打卡位:總結:食物質素尚可…查看更多

最近約埋屋企人一齊去 HOTEL COZI The Platter 食海王盛宴自助晚餐。依度係以火車做主題嘅餐廳，餐廳入面部分位置仲佈置到成個火車車廂，有特色，鮮紅色車卡入面嘅車廂中用餐，好有feel，火車迷打卡必去，仲有5/F有兒童遊戲場，小朋友可以玩得開心，適合一家大小或三五知己。依度有以唔同煮法炮製各式海鮮、多款熱葷菜式、天婦羅、爐端燒、以及中、西式湯品，有彩椒翡翠炒龍躉球、荷葉蒜蓉陳皮蒸龍躉頭腩、黃金大蝦、辣酒煮花螺、黑胡椒肉蟹、燒羊鞍、法式海龍皇湯、合掌瓜紅蘿蔔豬骨湯等選擇豐富，款款美味。忌廉牛油白酒煮波士頓龍蝦系透明烤爐現場即焗，睇住牛油係半殼龍蝦上面慢慢溶化，見到都非常吸引。焗完之後，爽滑彈牙既龍蝦肉充斥住濃濃白酒牛油香，好邪惡的，不愧係主角之一。燒原條穀飼肉眼扒，燒烤至外焦內嫩，唔韌啱啱好，口感細嫩牛肉味濃。焗蠔蠔肉隻隻飽滿白嫩，肥肥白白又滑滑，蠔味好重，次次行過都要拎番隻先。冰鎮海鮮有鱈場蟹腳、麵包蟹、白蝦、藍青口、翡翠螺等，選擇唔算少，鮮味十足。雜錦刺身有三文魚、鯛魚、阿根廷赤蝦、魷魚、北寄貝、赤貝、吞拿魚等，樣樣新鮮同夠凍。甜品方面 ~ 可以自製個人口味嘅獨特窩夫，窩夫鬆軟厚實蛋味香濃，放上雪糕一齊食真滋味  ;  仲有朱古力噴泉、新鮮生果、多款西餅蛋糕嘅選擇，很不錯的。最不得了嘅就係雪糕櫃竟然有三大個，一個雪糕櫃入面放Movenpick雪糕俾你隨便𢳂，另一個放Häagen Dazs雪糕杯，亦有其他雪糕杯選擇。幾個牌子，多種口味嘅雪糕都可以係呢度－次過食勻，今餐滿足曬！…查看更多

🔥屯門親子食玩好去處！悅品酒店呢間自助餐真係絕了～ 今日同屋企人去咗屯門悅品酒店（Hotel COZI）食個「海王盛宴自助晚餐」，仲發現佢哋有空中花園同埋兒童遊樂場，一家大細嚟玩絕對啱晒！ 首先講返個自助餐，個自助窩夫機真係大加分！自己整窩夫，想幾脆就幾脆，淋埋朱古力醬，小朋友大人都鍾意～ 海鮮類好有誠意，三文魚刺身新鮮到痹，厚切又鮮甜；羊架燒得入味，肉質嫩口；燒原只扇貝、焗芝士、波士頓龍蝦仲有麵包蟹、長腳蟹等等，全部都係無限任食，海鮮控簡直係天堂！ 食飽仲可以行下空中花園，歎下氣氛；小朋友就去遊樂場放電，呢度真係食玩兼備，一家大細嚟度過一日真係perfect～ 想搵個屯門親子自助餐，呢間絕對值得試試！…查看更多

Hotel COZi - The Platter平日星期一至四推出左新menu，「龍蝦松露 • 半自助晚餐 」。自助海鮮，沙律吧，餐湯，自助甜品，咖啡或茶👆🏻以上皆是自在形式。凍海鮮包括海蝦/螺/蜆/青口，款款時令，新鮮肥美。🥬沙律吧蔬菜新鮮爽脆，有唔同醬汁自由配搭， 仲可以除個人口味加芝士粉/麵包碎等配料。🦞主菜揀咗原隻焗龍蝦$408，烤龍蝦芝士焗，香氣撲鼻，芝士焗到微微焦脆，與龍蝦彈牙的肉質，極為相配。🥩烤安格斯牛扒配黑松露汁$318，油脂味豐富，肉質軟熟，一路切一路有肉汁流出，塊牛扒好出色。👶🏻兒童餐$140，用火車卡裝住美食，增加童趣玩意， 有小朋友最鍾意嘅炸麥樂雞/炸薯條/炒飯/仲有好甜嘅時令生果。必食推介~自製泡芙，熱辣辣加糖漿同牛油，口感鬆軟，好吃非常。小朋友最鍾意嘅區域，雪糕飲食，有多種口味選擇。 🎪小小冒險加升級套餐，+$10可獲贈繪畫套裝一套及兒童樂園免費60分鐘遊樂時間(兒童樂園位於5樓)。👩‍❤️‍👨飲飽食醉之後，可以出餐廳平台打卡「大型心心」&「企鵝仔霓虹燈」&「星月」，小朋友可以在外走走跳跳，幫助消化。📍前往悅品度假酒店·屯門，酒店距離港鐵屯門站F1出口僅3分鐘路程，鄰近大型商場。📸記得到達屯門站/V-city時候回望一下酒店，會發現酒店平台有隻六米高巨型小企鵝，記住打卡做個留念啦。…查看更多

[✨屯門 Hotel COZi - 品味獅城全自助午餐🍴]🔸成人 $348🔸長者(65歲或以上) $298🔸小童(7至11歲) $238🔸海鮮新鮮海鮮拼盤絕對係亮點之一，雖然只係午市，但質素同選擇都好可以，凍蝦、青口、翡翠螺同麵包蟹一應俱全，鮮甜補貨又快，令人吃得好滿足。🔸熟食熟食選擇豐富，獅城風味嘅海南雞飯同叻沙味道正宗，辣度適中，令人回味。燒烤類如牛扒都烤得恰到好處，肉質 juicy牛味濃郁，遠超預期，必試之選！其他好似蒸扇貝、魚柳等，每款都熱騰騰，味道唔錯！適合帶家人或長輩來享用。炸物方面有春卷、天婦羅等，香脆可口，小朋友都會愛不釋手！🔸沙律沙律新鮮度高，蔬菜 crisp，配搭多款醬料，感覺好健康。甜品區的蛋糕和水果塔精緻，甜而不膩，是完美收尾。————————♡♡♡♡♡♡————————✨總結Hotel COZi的「品味獅城全自助午餐」性價比高，無論是海鮮、扒類還是熱食，都用心製作，適合家庭聚會或朋友小聚！環境舒適，服務貼心，絕對是屯門自助餐好去處！📍Hotel COZi🏠屯門建豐街4號悦品度假酒店•屯門2樓#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #屯門 #屯門美食 #屯門好去處 #屯門食好西 #屯門餐廳 #HotelCOZi #COZi #自助餐 #The_Platter #Platter…查看更多

呢間火車主題酒店應該冇屯門人唔識！多個可愛打卡位，餐廳亦有車箱設計及火車裝飾。而家做緊龍蝦松露平日半自助晚餐（星期一至四），最$258 起，有6款選擇。 除左主菜之外，沙律、海鮮、小食、甜品、餐湯、飲品，全部任飲任食。原隻波士頓龍蝦真係好大隻、好吸晴！牛扒雖然薄，但好大塊，估唔到黑松露燒汁同牛扒又幾夾。主菜都冇特別添加配菜，可以自己係自助區拎天婦羅、薯條等。 餐廳仲有兒童餐供應，$140，有沙律、炒飯、炸雞、薯條同水果，份量十足，相當夠食。加$10仲可以升級套餐，送繪畫套裝同享用兒童樂園60分鐘。兒童樂園有滑梯、廚房、同駕駛區，適合年紀比較少的小朋友。…查看更多

最近去屯門 Hotel COZi 嘅 The Platter 試咗佢哋嘅半自助晚餐，真係好驚喜！😍 雖然今次冇帶小朋友，但都忍唔住要同大家分享呢個親子友善嘅好地方！✨🦞 主打龍蝦松露 • 半自助晚餐 🍽️晚餐係「半自助」形式，包一個精緻主菜同任食自助吧。🍴 我今次試咗兩款主菜，款款都睇得出廚師嘅心思：👨‍🍳🍝 黑松露海鮮意大利飯 🌟黑松露嘅香氣超級濃郁！🤤 每一粒飯都沾滿creamy嘅醬汁，仲有好多新鮮海鮮，誠意十足。💯 松露控一定唔可以錯過！🚫🐟 香煎三文魚柳伴三文魚籽配香蒜薑汁 🎣三文魚柳外皮煎得香脆，內裡肉質保持嫩滑！🔥 配上爆汁嘅三文魚籽同獨特嘅香蒜薑汁，味道層次好豐富，絕對係必試之選！👍🥗 自助區必食推薦 🍴・🦪 凍海鮮盤：大大隻嘅蜆肉同青口，鮮味十足，清甜冇沙，我拎咗幾轉都仲想食！😋・🍤 即製天婦羅：炸蝦天婦羅即叫即炸，外脆內嫩，熱辣辣超好食！🔥・🧇 自製格仔餅：外脆內軟，可以自己加蜜糖同配料，好有童趣！🎪・🥗 沙律吧：多款新鮮沙律菜同特色醬汁，仲有巴馬火腿配哈蜜瓜，清新開胃。🌿・🍰 甜品區：精緻小蛋糕、香港品牌雪糕杯，為晚餐作完美句號。🎉👀 觀察到嘅親子設施 👶「屯門店限定」我留意到餐廳好照顧家庭客人呀！👨‍👩‍👧‍👦 見到其他家庭享用緊「小小探險家套餐」🍽️，小朋友仲可以加$10升級，有繪畫套裝同免費玩兒童樂園60分鐘，真係好抵玩！🎨📸 打卡位推薦 📷 《今次參觀係屯門店》餐廳外面個「Cozi Starry星悅」遊樂區真係好靚！✨ 燈光同佈置都好夢幻，就算冇帶小朋友都忍唔住打卡影相！🌟💡 溫馨提示 ℹ️▪️ 親子主題、兒童餐及設施為屯門店限定▪️ 見到好多親子家庭嚟食，建議預早book位 📞▪️ 座位有限，建議提供多幾個日期選擇 📅▪️ 預約後記得準時出席呀～ ⏰今次體驗真係好滿意，食物質素唔錯，環境又舒服。💕 如果係爸媽想同小朋友過個愉快晚上，呢度絕對係不錯選擇！👨‍👩‍👧‍👦Hotel COZi • The Platter 🏨📍屯門店：屯門井財街15號盟府•九龍地下 🗺️📞電話：3899 9222 ☎️📍荃灣店：荃灣西樓角路1號新領域廣場1樓 🌆📞電話：3891 1938 📱…查看更多

最近呢間位於屯門地鐵站旁邊嘅酒店推出全新自助午餐，逢星期六日及公眾假期，中午12點至2:30，提供多款星加坡特色料理。酒店以火車為主題，仲有兒童遊樂場，帶小朋友嚟呢度放電食吓嘢都係個唔錯嘅選擇。熱盆會不定時輪流供應，今次有天婦羅、馬拉盞炒芥蘭、印尼炒飯、星洲咖喱三文魚頭、辣酒煮花螺、星洲胡椒蝦、巴東牛肉、肉骨茶、海南雞、串燒、喇沙。另外仲有加多加多（經典印尼沙拉）、多款前菜小食、甜點、雪糕同飲品。講到明係小朋友Friendly餐廳，一定唔可以錯過呢度嘅自製窩夫，步驟簡單，等5分鐘就搞掂，就可以自己加配肥仔雪糕同配料。外皮脆身，內裡軟糯，個樣一般，但係食落好正，散發着淡淡嘅牛油香氣，甜度適中，喜歡喜歡💕…查看更多