龍門冰室

今晚放工同朋友去銅鑼灣行下街，平時食開商場入面啲餐廳，今日想試下街舖。行到登龍街搵食，因為知道呢頭多美食。不過由於我哋諗住食完繼續行街，所以揀咗間茶餐廳快食。

餐廳牌面寫住龍門冰室四隻字，好顯眼。入到去啱啱有座位，坐得算寬敞。

見到餐牌食物慨款式都幾多，唔單止中式，西式都有，另外仲有小食慨選擇。

鐵板升級雜扒 (⭐⭐⭐⭐⭐)
我哋揀咗鐵板升級雜扒，可以揀配飯或意粉，另外揀揀咗燒汁。雜扒餐分量都幾大，對於大食慨人嚟講非常爽 。幾喜歡配什扒嗰個吉列帶子，脆炸既外皮香口。

鐵板升級雜扒

鐵板升級雜扒

隨餐附有餐湯，成個餐夾埋約一百一十蚊。

餐湯

韓式鐵鍋珍珠飯 (⭐⭐⭐⭐⭐)
另外我哋點咗韓式鐵鍋珍珠飯，配吉列魚柳，揀咗黑椒汁。渠有脆雞翼，飯慨份量好多，用料算幾用心，有韓式泡菜、西蘭花、粟米、蕃茄，感覺都幾健康。

韓式鐵鍋珍珠飯

芝士肉醬焗薯條 (⭐⭐⭐⭐💢)
鍾意食薯條就梗㗎啦，考慮到健康揀咗焗薯條而唔係炸薯條，所以有啲林。但係有好香慨肉醬同薯仔味，芝士味就相對冇咁出。

芝士肉醬焗薯條

芝士肉醬焗薯條

蜜糖雞翼 (⭐⭐⭐⭐⭐)
全餐最正系蜜糖雞翼，一共有五六件。雞翼永遠都係我慨至愛，蜜糖加埋個外皮口感一流。

蜜糖雞翼

蜜糖雞翼

野飲方面，點左凍好立克同埋凍奶茶，全餐埋單唔使300蚊，超級飽。

~~~~~~~~~~~~~~~~~~~~~~~~
龍門冰室 登龍街28號地舖永光中心
推介菜式：鐵板升級雜扒，蜜糖雞翼 

👍🏻地點方便
👍🏻環境舒適
👍🏻價錢大眾