初初開張既時候已經試過, 龍蝦湯底非常濃烈, 都見倒店員不時放原隻龍蝦落去淆湯.
雖然餐牌配料經常有變, 但招牌龍蝦湯底無間斷提供, 除左配料有不同配搭之外, 每樣野都會問清楚食客. 例如麵質, 辣定唔辣, 要唔要蔥/筍片/蛋. 雖然外送係分左湯, 但都不損其味道, 不過要留意既係, 佢既辣都係偏辣既, 如果唔食得辣既, 可以揀唔辣, 龍蝦味會更加出添既. 同埋餐廳無送飲料, 現場都只有凍水無限供應架啫, 飲其他野都要加錢.
餃子係送既, 煎得非常脆口, 脆到連條邊都硬左, 鍾意食香口野既人, 應該會好喜歡.
題外話, 最尾個湯底我無浪費到, 兩碗撈埋一齊, 第二日自己加個烏冬落去煮, 依然美味, 咁當然食返餐廳煮既先係THE BEST啦.
