影片
更多
2023-07-12
5772 浏览
推薦指數：🌕🌕🌕🌕Weekend當日walk in去食如果無提早openrice book枱係$143/人 全包現場有職員即場整西多士同黃金糕外面都會有少少冷盤（魚皮幾爽幾好食！）另外飲品就有放題常見嘅汽水同奶茶點心方面 整體質素都拍得住屋村茶樓去茶樓一碟都20蚊以上點心大多都係熱辣辣，除左少部分炸物係偏溫個人覺得好抵食，都無乜大投訴不過今次食太多點心，短期內都唔會食住啦🤣🤣🤣唯獨係上菜速度唔會好快都係一轉轉咁出啲點心 有時都幾難拿捏蝦餃、燒賣、菜苗餃呢啲偏高價嘅點心如果少人黎食就小心佢會走單/勁遲上我地附近有枱6人嘅，佢地啲嘢都上得好齊我地自己啲點心上菜節奏都ok多數一次黎2-3碟，唔會擺到啲野凍哂但菜苗餃、蝦餃真係食到last order先到（第一轉叫每樣叫左3籠，都係嚟得一籠）隔離枱直頭成程都係咁催單，佢地個用餐體驗就會差啲食到臨尾職員會話乜嘢乜嘢點心無左啦你個order無架啦，但轉頭又上左菜呢個位真係R爆頭😂😂😂如果要揀比較好/差嘅，我會咁推介好：燒賣、蝦餃、菜苗餃（全部都足料，啖啖蝦）涼拌魚皮（爽口、重胡椒味、好入味）差：上湯鮮竹卷（一夾就爛哂，入面啲餡好怪）鮮粟黃金球（食落
Weekend當日walk in去食
如果無提早openrice book枱係$143/人 全包
現場有職員即場整西多士同黃金糕
外面都會有少少冷盤（魚皮幾爽幾好食！）
另外飲品就有放題常見嘅汽水同奶茶
點心方面 整體質素都拍得住屋村茶樓
去茶樓一碟都20蚊以上
點心大多都係熱辣辣，除左少部分炸物係偏溫
個人覺得好抵食，都無乜大投訴
不過今次食太多點心，短期內都唔會食住啦🤣🤣🤣
唯獨係上菜速度唔會好快
都係一轉轉咁出啲點心 有時都幾難拿捏
蝦餃、燒賣、菜苗餃呢啲偏高價嘅點心
如果少人黎食就小心佢會走單/勁遲上
我地附近有枱6人嘅，佢地啲嘢都上得好齊
我地自己啲點心上菜節奏都ok
多數一次黎2-3碟，唔會擺到啲野凍哂
但菜苗餃、蝦餃真係食到last order先到（第一轉叫每樣叫左3籠，都係嚟得一籠）
隔離枱直頭成程都係咁催單，佢地個用餐體驗就會差啲
食到臨尾職員會話乜嘢乜嘢點心無左啦
你個order無架啦，但轉頭又上左菜
呢個位真係R爆頭😂😂😂
如果要揀比較好/差嘅，我會咁推介
好：燒賣、蝦餃、菜苗餃（全部都足料，啖啖蝦）
涼拌魚皮（爽口、重胡椒味、好入味）
差：
上湯鮮竹卷（一夾就爛哂，入面啲餡好怪）
鮮粟黃金球（食落係無皮燒賣+粟米，個人唔中意）
XO醬炒腸粉（無乜味、腸粉皮又厚，無謂浪費quota）
张贴
