御名園

营业中

休息中

呢度有90分鐘點心放題，原價$238。星期一至五$148一位再加$12茶錢😍點心種類非常豐富，仲有啲主食，基本上真係抵食！鍾意佢呢度嘅點心放題係可以一人份量咁叫，鍾意食咩就叫少少，又唔使浪費食物。食幾多叫幾多，又可以試多啲唔同嘅款式。呢個點心放題每人定量有一粒鮑魚燒賣及花膠灌湯餃，其他點心、甜品、主食都可以喺放題紙上邊任食。我哋叫咗蝦餃、燒賣、小籠包。點心全部熱辣辣，蝦餃面上仲有金箔幾靚，而且蝦肉爽口；燒賣同小籠包都唔錯。前菜揀咗鎮江肴肉一片片味道唔錯，另外豬手都好食！另外我覺得腸粉幾好食，嗌咗蝦腸及牛肉腸，每樣一條，腸粉好滑。炸物叫咗炸魷魚鬚、炸豆腐粒。推介炸豆腐粒外脆內軟。呢度仲有燒鵝瀨粉，鍾意佢細細碗，真係可以過吓口癮又唔怕食得太飽，可以試吓其他放題食物。甜品叫咗蛋散。另外想食叉燒，所以散叫咗個叉燒同埋蟶子。蟶子配煎米粉餅，非常特別。90分鐘真係好足夠，食得好滿足。