影片
更多
2021-10-19
260 浏览
見openrice買劵78蚊位，加埋一同茶介99蚊，咁抵，就算評價有好有壞都決定去試下。講真，呢個價錢仲要任飲任食 ，我當然唔會期望食物同服務有5星級質素。最怕就係好似d負評講咁衛生有問題同埋要受氣。好喇，做好哂期望管理先去就ok 喇。整體黎講除左排隊入座安排之外，真係冇野可以話唔滿意。我地book左第2輪，早左小小到，一出lift就逼到要搵位企，有一排櫈俾人坐，已經坐滿人，又冇明顯分隊頭隊尾，咁我地就行去最遠門口位置等。點知新到出lift既大部份人完全冇理咁堆哂門口，連上輪離開既人都出唔到。夠鐘放人入去，冇乜秩序可言。好彩入到去後發現個場唔係好大，d人打尖入左去都係嗌下要咩茶咁，差唔多時間開始。我地兩位要搭枱，中間隔左透明板，張枱好彩夠大，平鋪5至6款點心加醬料都冇問題，而搭枱兩位都nice 既，唔係打尖果批，咁算啦。坐低問要咩茶，得普洱，壽眉揀，選擇係小，都算大眾化既。冇所謂啦，反正汽水任飲。跟住有個特別好服務既伯伯 (我估係老闆) 埋黎話雪櫃既汽水任飲，可以隨便攞，大家可以tick 住點心紙先，大排檔開果陣會通知大家。之後因為掛住攞汽水，tick點心，冇及時係大排檔開既時侯出去，
講真，呢個價錢仲要任飲任食 ，我當然唔會期望食物同服務有5星級質素。最怕就係好似d負評講咁衛生有問題同埋要受氣。好喇，做好哂期望管理先去就ok 喇。整體黎講除左排隊入座安排之外，真係冇野可以話唔滿意。
我地book左第2輪，早左小小到，一出lift就逼到要搵位企，有一排櫈俾人坐，已經坐滿人，又冇明顯分隊頭隊尾，咁我地就行去最遠門口位置等。點知新到出lift既大部份人完全冇理咁堆哂門口，連上輪離開既人都出唔到。夠鐘放人入去，冇乜秩序可言。好彩入到去後發現個場唔係好大，d人打尖入左去都係嗌下要咩茶咁，差唔多時間開始。我地兩位要搭枱，中間隔左透明板，張枱好彩夠大，平鋪5至6款點心加醬料都冇問題，而搭枱兩位都nice 既，唔係打尖果批，咁算啦。
坐低問要咩茶，得普洱，壽眉揀，選擇係小，都算大眾化既。冇所謂啦，反正汽水任飲。跟住有個特別好服務既伯伯 (我估係老闆) 埋黎話雪櫃既汽水任飲，可以隨便攞，大家可以tick 住點心紙先，大排檔開果陣會通知大家。之後因為掛住攞汽水，tick點心，冇及時係大排檔開既時侯出去，就攞唔到d乜，之後都冇refill 係有少少失望，不過點心紙都已經夠食就算啦。好彩大排檔阿姐俾我哋落單煎番份蘿蔔糕，算係咁啦。
衛生程度俾想像中好好多，碗碟唔會好似某d酒樓咁油淋淋，通風都唔錯，地毯同點心籠都幾新淨。
最多人投訴既服務真係冇問題喎。係提大家最後15分鐘係last order個阿姐粗聲粗氣少少，其他全部staff都比預期及一般酒樓好。落單時搭枱兩位想confirm枱號，以免上菜時唔知係我地定佢地既，個叔叔立即assign 個枱號俾佢，仲風趣咁讚自己轉數快。之後埋黎逐枱收錢個哥仔都服務正常。上菜阿姐都nice既，上菜收碟又快。最impressive 係最後叔叔話差唔多夠鐘，問有家有冇漏單，隔離枱話有兩款點心一早tick冇黎過，之後叔叔就攞左俾佢話幫你搵到兩籠。咁既價錢咁既服務仲想點。
食物方面，絕對冇野難食，食物温度正常，蒸既好熱添，味道正常。特別鍾意佢地d炸物, 全部都好食，唔太油，冇益味，好香脆。灌湯餃湯底ok, 隻餃就一般，冇咩料，咁多野食算啦。腸粉都係新鮮熱辣，又夠滑，好食。流沙包都好食，雖然賣相好似撳偏左咁。口水雞唔係用霉肉雪雞喎。總之全部合格。
整體非常滿意，下次可以試埋晚市放題。
张贴