玉桃軒酒家 (康怡廣場) (已結業)

呢期有好多飯局,但就係無人提議去飲茶,就算有都係公司5分鐘路程的茶樓,選擇唔多,味道一般。為食又醃尖的我,終於頂唔順,要去嘆番下一盅兩件, 去左距離公司有成15分鐘路程的玉桃軒, 皆因好耐無食, 心掛掛, 加上點心真係唔錯嘛 😋同同事仔叫左幾個點心加一個荷葉飯, 唔洗好耐, 點心就黎左了。先黎個蛋撻仔, 熱辣辣加上酥皮香脆,仲要唔算細隻,因為一口係食唔晒既。再黎我最鍾意的鮮蝦酸甜炸雲吞,又係熱辣辣, 皮夠薄,脆卜卜,最鍾意個酸甜汁,令人好開胃。跟住到同事叫的金粟香煎墨魚餅, 呢度的墨魚餅好厚下,啖啖肉,又薄薄地沾左個蛋漿先去煎, 煎得黎夠晒金黃色無燶,又靚又香口跟住到叉燒了，無特別叫瘦叉，黎到肥瘦適中，入口軟腍，又帶有少少蜜糖的甜味，真係想大嗌好叉燒呀🔊🔊（食神咩）不過呢碟叉燒真係好好味，食唔停口。鮮蝦菜苗餃同蝦餃皇又係大大隻，認真抵食，食到呢兩碟都已經飽飽地！ 因為怕蝦餃唔夠分，所以嗌多個菜苗餃，如果知道蝦餃都咁大隻，我地就可以唔叫菜苗餃，食多一款點心啦！仲有個春風得意腸粉，唔錯！表皮夠滑，裏面的春卷好夠脆，食得過癮！壓軸係荷葉飯！淨係睇賣相就知真材實料，飯有荷葉的香味之餘，飯粒又分