神燈海鮮酒家 (18廣場)

营业中

休息中

西餐黑松露意粉食得多，中菜黑松露燒鵝第一次聽到，呢間酒樓就係小朋友上興趣班附近，每晚都好多人，原來網上一直好出名，今日終於的起心肝去試吓，同一般酒樓一樣會有小食同埋茶介，但呢度有我鍾意飲嘅玄米茶，好香。店員推介嘅黑松露燒鵝超級有驚喜，外皮香脆，肉質鮮嫩，最驚喜真係食得出有黑松露味道，好juicy回味無窮。龍蝦粉絲煲粉絲整得好乾身，龍蝦啖啖肉，肉質非常彈牙，小朋友最愛。大大隻鮑魚雞煲，估唔到隻鮑魚有成隻手指咁大，一上枱已經非常之香，份量好多，用嚟送飯真係一流，超級好味。黑松露脆米炒飯比起普通炒飯更加特別，炒飯炒得好乾身，加埋脆米增加左口感，成餐飯都充滿驚喜，食得非常滿足，下次要帶埋婆婆一齊再食。