金滿堂甜品

营业中

休息中

呢間甜品店位置比較偏僻，喺黃大仙現崇山商場地下，唔太近地鐵站出入口。因為家人住喺附近，所以久唔久會嚟幫襯一下。呢度嘅甜品種類都幾多，西式、中式、創新嘅甜品都有得食，每次都可以食唔同口味，唔使重複。金玉滿堂- 呢個芒果甜品入邊有新鮮芒果肉、小丸子、水晶珠、雪糕，加錢加芋圓。芒果汁似係用濃縮芒果汁，芒果肉好鮮甜，每一啖都係芒果香味。小燕格格- 呢個係蛋白燉奶，入面有芋圓、桃膠、清心丸、雪燕，加錢加芝麻湯丸。我個人中意蛋白燉奶系列嘅甜品多過芒果系列，因為奶味較重而且食到每一款材料自己嘅味道多一點。芝麻湯圓口感煙韌，芝麻味香。芋圓相對地口感較弱，而且芋頭味道偏淡。其他食材感覺滋潤養顏，蛋白燉奶食落熱辣辣，推介！