金滿堂甜品

营业中

休息中

要寫低呢篇食評令自己唔好重覆犯錯。頭先去呢間金滿堂食糖水，其實以前都食過呢間分店一次，但太耐已經唔係好記得好唔好味，直到今次再食，啲記憶番曬黎，呢度啲糖水同佢地淘大分店比，真係認真麻麻。白雪奇緣佢話係龍眼椰汁沙冰，但黎到既時候溶既，成盤水咁，一味死甜，難食。再加埋入面既菠蘿味椰果，蘆薈，水晶珠，十級複雜既口感，可以話九唔搭八，味道亂咁黎。唯一放得入口係粒小丸子。蛋白杏仁露冇誠意首選，唔知係咪用微波爐叮出黎，熱到辣咀，hea過我自己響超市買包粉搵熱水沖。其間仲聽到隔離枱個唔知咩冰有隻昆蟲添。建議調淘大啲人過黎訓練下呢間分店既員工以確保食物質素。